كتب – محرر الاقباط متحدون ر.ص
حذر دكتور "أسامة ارميا"، من استخدام "بخاخات الكورتيزون" لعلاج فقدان حاسة الشم، قائلا :" من فضلكم بنسمع كتير من صفحات علي الفيسبوك ان بخاخات الكورتيزون الموضعية إنها تستخدم كعلاج لفقدان حاسة الشم وانا بستأذنكم وبقول لحضراتكم بلاش نستخدم البخاخات دي لانها ممكن تأخر رجوع الحواس ."
وتابع عبر حسابه على "فيسبوك"، #الحل والضروري #نستشير_طبيب_أنف_إذن ، ومن خلال متابعتي مع زمايلنا أطباء الأنف والأذن نصحوا بوجوب تناول البروتكول الاتي الخاص بفقدان حاسة الشم:
فيتامين ب مركب مع اوميجا3 ونستنشق زيت النعناع او زيت القرنفل كنوع من أنواع تدريب الانف علي الشم، أقراص تحتوي علي التربسين والكيموتربسين مضادة للالتهابات والتورمات، أقراص تحتوي علي حمض الليبويك أسيد ..علشان تشخيصهم للمشكلة أنها التهابات في بدايات عصب الشم وحدة الالتهاب ده بيفرق من شخص لشخص علشان كده فترة غياب حاسة الشم بتفرق من شخص لشخص علشان كده كل ما نبدأ العلاج بدري يكون أكيد أفضل...وان شاءالله الأمور تستقر في اقرب فرصه.
واختتم :" #شيروا_البوست_ده_لحبايبكم
#من_فضلكم_بلاش_بخاخات_الكورتيزون
#ربنا_حنين_كريم
#د_أسامه_أرميا
