* متديش صوتك لمرسي عشان فاكره "مرشّح الثورة" يا أهُبل! (إقرا عشان تعرف أنت ليه أهُبل).
*الإخوان تنكروا للثورة والشهداء وعليهم تقديم ضمانات لعدم الاستئثار بالسلطة.

كتبت: أماني موسى
أكد الكاتب والإعلامي "محمود العسيلي" بأنه لم ولن يدعم مرسي للرئاسة حتى لا تتحول مصر لدولة الخلافة على يد الخليفة مرسي.
وأردف العسيلي في التأكيد على إن الجماعة لا تعني إلا بمصلحتها ولا يعنيها مصلحة الوطن وأهله.

وحول اتهام البعض له بأنه ضد الدين أكد إنه فقط ضد التطرف والرجعية والتسلط باسم الدين.. وذكر العسيلي بمواقف الإخوان المخزية منذ اندلاع الثورة وتنكرهم للشهداء والثوار.. فبينما كان الشباب يقتل في محمد محمود كانوا يرتبون بكل قوة لانتخابات البرلمان وبينما كان الشيخ عماد عفت لقي حتفه كانوا يحتفلون في الشوارع بنجاح الثورة!!

وأخذ العسيلي يدعو الشباب للتأني قبل اختيار مرسي قائلاً: ماتدّيش صوتك لحد أنت مش مصدّقه، هياخده ومش هيرجّعهولك.
وأشار: مفيش عند الإخوان سبب وطني يمنعهم من دعم صباحي، لكن فيه عندي أنا وصباحي أسباب وطنية تمنعنا عن دعم الإخوان. وأنا ضد الثوار اللي عمّالين يحشروا مرسي في حلق الناس على إنه المخلّص.

مضيفًا: لو الإخوان جادين في صف الثورة والشعب عليهم أن يقدّموا ضمانات معقولة تمنعهم من الاستئثار بالسلطة.
مختتمًأ: متديش صوتك لمرسي عشان فاكره "مرشّح الثورة" يا أهُبل! (إقرا عشان تعرف أنت ليه أهُبل).

مؤكدًا: أنا فعلا ويشهد الله على ما في قلبي مايهمّنيش غير مصلحة مصر، وأنا مش شايف الخير على أيدي من يقسم المصريين.

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :