كتب – محرر الأقباط متحدون أ. م
استنكر الكاتب والباحث إسلام بحيري، تأييد البعض لقنوات الإخوان الإرهابية، قائلاً: يعني انت يا سفيه فاكر إن معتز وناصر والواد المقاول وقنواتكم الخايبة المضحكة هيعملوا ثورة في مصر بكرة وكده؟ أنتم فعلا بتتكلموا جد؟
واستطرد بحيري في تدوينة عبر حسابه بالفيسبوك، يا ابني احنا سحقناكم بأحذيتنا في ٢٠١٣ من غير دبابات.. يا ابني افهم... مصر انتهت منكم للأبد.
مشددًا، وجودكم هنا يا في السجون يا على المشانق بالقانون... أصحى يا حبيبي من النوم والغفلة وثورة التريندات الهزلية دي مصر يا سفيه، والله الواحد قرا في التاريخ كتير عن الخيانات والتآمر على الأوطان، والله حرفيًا عمري ما شفت نظير لخيانة وحقد وتآمر الإخوان المسلمين على مصر عامة وفي ال ٧ سنوات الأخيرة.
وتابع، والله قرينا ياما قرينا عن " يهوذا " و "قتلة الحسين" و "المؤيد العلقمي" وزير المستعصم العباسي و" خاير بك" والي الغوري، وخائني الحرب العالمية التانية " هارولد كول " و " إيدي تشابمان "، وكل تاريخ خيانات الأوطان أبدًا عيني ما وقعت على حقد وغل وخيانة وتآمر على وطن زي الإخوان على مصر.
وأختتم، معاك يا " عبد الفتاح السيسي " ومع مصر دايمًا وفي كل وقت مش بكرة بس.
