كتب – روماني صبري
انتشر على منصات التواصل الاجتماعي، مقطع فيديو، منسوب لمدرس مسن وهو يتحرش بطفلة أثناء منحها درس خصوصي بشقتها، وأطلق رواد موقع التواصل الاجتماعي "تويتر"، أمس الجمعة، هاشتاج "إعدام المدرس المتحرش."
الداخلية تتدخل
وكشفت مصادر أمنية، القبض على المتحرش العجوز من قبل القوات الأمنية المصرية، بعد تداول فيديو وهو يتحرش بطفلة صغيرة داخل غرفة نوم، أثناء إعطائه درسا خصوصيا لها، وتحقق الداخلية حاليا مع المتحرش، بعدما فحصت الفيديو وتأكدت ان الغضب الذي طال رواد مواقع التواصل لم يكن من فراغ، فالعجوز قبل الطفلة من شفتيها وكان يحتضنها بشدة، كما ذكرت ارم نيوز.
من التقط الفيديو المتداول ؟
نجح احد الجيران من تصوير الواقعة من نافذة منزله، بعدما شك في سلوك العجوز، وبعدها نشر الفيديو على الشبكة العنكبوتية، ليتداوله آلاف المستخدمين.
مش لابسه لبس مثير يعني !
وأبدت الفنانة رانيا يوسف حزنها الشديد، جراء الجريمة، وكتبت عبر حسابها على موقع "تويتر"، التحرش هيفضل جريمه، ذنبها ايه طفله لا لابسه لبس مثير زي ما بيبرر البعض التحرش طفله برئيه بتواجه مجرم لازم يتعدم" #اعدام_المدرس_المتحرش
علموا الأطفال الثقافة الجنسية
قال الناشط الحقوقي، محمد السماك، ان هاشتاج "إعدام المدرس المتحرش "، تصدر تويتر عن بنت عمرها ١٠ سنين تم التحرش بيها من قبل مدرس مسن بالمنزل وتم تصوير الفيديو من قبل أحد الجيران وبالفعل تم القبض عليه فورا.
مضيفا عبر صفحته على "فيسبوك"، قضية مرعبة بكل معاني الكلمة لما شخص زي ده الي المفروض يكون قدوه وبيخرج أجيال متحرش تفتكروا الجيل الي جاي على ايده هيتربي ازاي والبنت دي لما تكبر هتكون ايه نفسيتها، دا هيبقى مستقبل كل طفل و بنت و ام و اخت لو فضلنا نبرر للمتحرش يا ترى المره دي كانت البنت الصغيرة الغير واعية باللي بيتعملها كانت ايه غلطتها، شعرها ولا لبسها السبب بردو.
لافتا :" الي شايفينه دي حادثة واحده تم كشفها لكن دة بيحصل من زمان والبنات مش بتقدر تتكلم وهي صغيرة عشان بتخاف من الضرب او محدش يصدقها، عرفتوا ايه فايده تدريس الثقافة الجنسية في المناهج التعليمية لازم نعلم أطفالنا الثقافة الجنسية حسب أعمارهم، لازم نفهمهم ان ممنوع حد يلمسك و اذا حصل اوعى تسكتي وارفضي كدا الثقافة الجنسية كل بني البشر بيتعلموها يبقي ليه نسيب أولادنا فريسه لمواقع مشبوهه او أصدقاء سوء او معرفه ضارة، واختتم :" ياريت كل الناس الي شيرت الفيديو تمسحه بما ان المدرس أتقبض عليه لأنه هيبقى ذكرى مؤلمه للبنت لما تكبر وتفهم وتشوف الكلام ده.
ولا فيها أي ملامح أنوثة لسة !
وعلق حساب باسم ناصر السعيد غاضبا:"مدرس بيتحرش ببنت قد أحفاده، لبسها مش مثير ولا فيها أي ملامح أنوثة ولسا طفلة بريئة اشتهاء الأطفال جريمة مش بسيطة واللي يعمل كدا أكيد مريض ولازم عقوبته تكون الإعدام."
بلاش التعميم
ورأى حساب باسم أحمد، انه لا يجب تعميم جريمة التحرش على المدرسين، وكتب :" أتمني لما تكتب #إعدام_المدرس_المتحرش بلاش تجمع وتذكر كل المدرسين ، لأن عقلك السوي الناضج دا اللي ساهم في تكوينه كان مدرس، إحنا مؤيدين تماما أي حاجه ضد القذر دا ، في الحقيقة هو مش مدرس ولا ينفع يتوصف بكدا ولا ينفع أصلا يتقال عليه بني ادم."
وقال كريم :"حسبي الله ونعم الوكيل هنروح فين تاني ياجماعه أي البجاحة دي وقلة الأدب دي هوا خلاص مفيش تربيه ولا احترام #إعدام_المدرس_المتحرش".
