بقلم جورج حبيب ( سيدني -استراليا )
مضيعيين وقتكم الغالي والثمين
وبعدها تقعوا في ادانه وتبقوا مديونين
وتعليق من هنا وصورة تعثر الاخرين
لا عارفين تصلوا ولا بكتابكم مهمتمين
واسرتكم فقدت اللمه واصبحتم منفصلين
وولادكم ضاعوا ومتابعتهم بقت كل حين وحين
وتضحك علي نفسك وتقول دا دقايق معدودين
وتمر الساعات تجري وانت مع المخدرين
وايه هي الحصيلة شوشره والعقل بها مهين
وكام خطيه اتورطت فيها بالتعليق
وكلام ملوش معني لا يبني ولا يفيد
والشيطان تاجر شاطر يغريك شمال ويمين
وكومنت تكتبه وتندم عليه سنين وسنين
وشير تجري وراه عايز تشيره زي المدمنين
وهمه ولاد ربنا لازم يكونوا حكما وملاينين
كلامهم للبناء وللهيافات متجاهلين
خد بالك من الشيطان دا فتال حبال مهين
ويقولك اشمعنا انت ما كلهم كدابيين
علي طول بيكتبوا وللصور واضعيين
وادي فديوهات غير لايقة كلهم منزلين
حبيبي فكر قبل ما تتسرع وتشير
حاول تقلل وفكر ودور علي المفيد
ينفع حياتك وروحياتك ومتكنش من الخاسرين
اشغل وقتك بشئ نافع وخليك من التايبيين
صلي تاخد نقاوة وعنين بسيطة زي القديسين
واوعي من العثرة دا حسابها عسير وعسير
