ريموندا رؤوف
اداه من أدوات التربية الإيجابية
بلاش تتوقع أن الطفل فاهم انت عايز منه ايه او بتطلب منه ايه من غير ما تدربه خطوه بخطوه
مثال : لما تقول للطفل نضف مكانك
يعنى ايه نضف مكانك مش مفهومه بالنسبه له؟
١_اعمل انت الخطوات بنفسك قدام الطفل مره واشرحله انت بتعمل ايه
(وده اساس كمان فى المونتيسورى)
مثال
تقول للطفل انا بمسك المنديل كده وبمسح الترابيزه بالشكل ده
٢_نعمل نفس الخطوات مع بعض
٣_لما الطفل يحس أنه مستعد يعمل ده لوحده نسيبه ونلاحظه
_بلاش تدخل وتساعده الا لما يطلب بنفسه
_نركز فى الخطوات عشان ساعات بتحكم غلط على طفلك مثلا أنه مش بيعرف يدخل التويليت لوحده مع أنه بيعرف لحد عدد من الخطوات معين
لكن ف خطوه واحده بتقع منه
دى بس اللى محتاج تدريب عليها
