نشر المطرب عمر كمال صورة له عبر حسابه الشخصي “فيس بوك” قبل الشهرة، وبعد وصوله إلي ملايين المتابعين .
وعلق كمال على الصورة قائلاً، «فيه رقم محطوط للحجوزات علي الصفحة عشان الشغل والأفراح والحفلات، من أكتر المكالمات اللى بتيجى عاوزين شغل ومفيش شغل عندكم عشان احنا محتاجين شغل، حاجة بتحسسنى بالحزن جداً لأنهم شباب ف سنى، فابحب بين كل فترة والتانية اكتب بوست للناس فيه تشجيع وحافز ان خلى جواك ايمان بنفسك وامل ف ربنا وان كل حاجة هاتتعدل».
وأضاف، «أنا شاب أخدت دبلوم صنايع وكملت دراسة مزيكا في معهد موسيقى العربية .. ولما طلعت ملقتش فرصة أغنى ف الطرق العادية زى قصور الثقافة و الأوبرا وكده .. فقررت اعتمد على نفسى واشتغل كل حاجة وحرفيا شمرت واشتغلت ومشيت ف كل الطرق اللى توصلنى لهدفى».
ووجه رسالة إلي متابعيه قائلاً، «كتبت بوست من المنطلق ده اللى هوا شيل شهادتك على جمب لو مشتغلتش بيها وانزل و شمر وهات حلمك وهدفك وحققه، وحطيت صورة لتكريمات وجوائز نتيجة لنجاحى ف مجالى وطبعا قصدى أن كل واحد ف مجاله يجتهد مش يسيب شهادته ويروح يغنى أكيد .. ايه الغلط ف كده يا جماعة».
يذكر أن المطرب عمر كمال نشر منذ أيام صورة للجوائز والشهادات التى حصل عليها منذ دخوله الوسط الفني، كنوع من التحفيز للشباب بالوصول إلي حلمهم .
