سهير وهبه
الحقيقة اهتميت جدا ببحث شخصية يؤنا
ازاي كانت عايشة؟
ازاي كانت بتخدم يسوع؟
وزوجها وكيل هيرودس ؟
تعالوا ندخل لأعماق شخصيتها علشان نتعلم منها
*1- يونا وحياتها الخطرة*
برغم حساسية حياتها ان زوجها هو القائم بكل أعمال هيرودس أنتيباس المشهور انه دموي زي أبوه وجده لدرجة انه قتل أي حد يعارضه
لكن يونا لم تهتم بكل خطر في سبيل انها تكون مع المسيح
*2- يونا وخدمة الرب*
كان ممكن تكتفي انها تبعت مصروفات او تبعت عبيد لخدمة الرب
لكن الآية في النص اليوناني
تخدم يعني دياكوني
يعني خدمة كاملة من ترتيب ومساعدة مش بس انها تعطي فلوس
*3- يونا حاملة الطيب*
بعد صلب مخلصنا كانت يونا من السيدات اللي تبعوا المخلص للصليب وكانت من ضمن حاملات الطيب لتكفين جسد الرب
ويونا هي اللي ساعدت في تكفين جسد القديس يوحنا المعمدان وتسليمه لتلاميذه
تعالوا نطبق اللي اتعلمناه
*1-* مهما كانت حياتك حساسة لا تنكر عمل الله معك حتى لو بتصرفاتك
يروا اعمالكم الحسنة فيمجدوا اباكم الذي في السموات
*2-* على قدر طاقتك اخدم ولا تفكر ان الخدمة هي وعظ
اعظم خدمة انك تدعو غيرك لطريق الله
فرحت بالقائلين لي إلي بيت الله نذهب
*3-* كن سبب في تخفيف احزان غيرك ...كن مصدر تعزية لغيرك. صباح الخير على الجميع❤
