كتب - نعيم يوسف
سخر الكاتب الصحفي شريف الشوباشي، ممن يهاجمون العلمانية، وفي نفس الوقت يتمنون الذهاب والعيش في الدول التي تطبقها.
وقال "الشوباشي"، في تدوينة له على موقع التواصل الاجتماعي "فيسبوك": "فعلا يا أخي: العلمانية دي كارثة ووبال على المجتمعات اللى بتطبقها لانها تجعلها متخلفة ومتأخرة.. في حين أن الغلو فى الدين والدروشة يخلوا المجتمعات فى حالة رفاهية ونعنشة وسعادة وغياب تام للمشاكل".
وأضاف: "يعنى خد دول زى فرنسا وألمانيا والسويد بيطبقوا العلمانية شوف حالهم بائس قد إيه وغلابة قد ايه ومش عارفين ينتجوا او يخترعوا اى حاجة ازاى؟؟ حاجة تحزن.. من ناحية تانية بقى خد دول تطبق الوله بالدين والذقون والحجاب والنقاب ولا يتحدث اهلها الا فى الدين ليل نهار زى باكستان وافغانستان والصومال.. الناس اللى فى المجتمعات العلمانية دول حايموتوا عشان يسيبوا بلادهم ويروحوا يعيشوا فى البلدان المتأسلمة.. ومستعدين يخاطروا بحياتهم عشان يهاجروا لهذه المجتمعات اللى الحياة فيها سهلة ومريحة وبلا اى مشاكل".
وتابع: "إنما الناس بتوع مجتمعات الإيمان فمستمتعين بالحياة فى بلادهم جدا ومش مستعدين يسيبوها لا عن طريق البحر ولا البر ولا الجو... وبعد كده لسه برضه فيه ناس تقولك العلمانية هى مفتاح الحياة الكريمة والرخاء.. الناس دى عمي واللا ايه مش شايفين الحقيقة الواضحة قدامهم ؟؟؟؟؟؟".
