كتب - نعيم يوسف
علق المهندس نجيب ساويرس، رجل الأعمال المصري، على أزمة إيقاف الإعلامي أسامة كمال، بسبب حديثه عن أزمة كابلات جوجل، ومرورها في أماكن أخرى بدلا من مصر.
وقال "ساويرس"، في تدوينة له على موقع التواصل الاجتماعي "فيسبوك": "الأدهى إن الكلام ده مضبوط لان المغالاة في تسعير حق المرور للكابلات ادي لقرار جوجل! زى بالضبط ان لو زودنا رسوم قناة السويس للحد اللي يخللي السفن يكون ارخص لها تلف من رأس الرجاء الصالح".
كان الإعلامي أسامة كمال، قد تقدم ببلاغ على الهواء إلى الرئيس عبدالفتاح السيسي، بسبب قرار شركة جوجل بإنشاء شبكة ألياف ضوئية تربط بين السعودية وإسرائيل، واستبعاد مصر من المشروع.
وأوضح: "طيب ليه بلاغ في الكلام دة؟ عشان اللي باقوله دة أقل كلام يتقال والدنيا بتتكم عن مصر اللي بتضيع عمداً أو جهلاً منجم دهب ما ينفعش يضيع من ايدينا.. الحقوا الوضع وحاسبوا المسئول عن دة اللي أكد من شهور قليلة إن اسرائيل مش ممكن تنافس مصر لحد ما وصلنا للوضع دة".
وتقدم مسؤولو شركة الاتصالات ببلاغ إلى المجلس الأعلى للإعلام، والذي اتخذ قرارًا بوقف الإعلامي ومنع ظهوره على الشاشة لمدة أسبوعين، بحجة أنه تحدث دون دليل.
