أو أرنان اليبوسي
سهير وهبه
أرونة أو أرنان شخصية هنقف قدامها كتير
أرونة أو أرنان شخص عادي كان بيدرس الحنطة ومعاه أولاده الأربعة
هنلاقي قصته في أخبار الأيام الأول 21 وصموئيل الثاني 24
القصة باختصار أن داود الملك قرر أنه يعمل احصاء الشعب وده اللي أغضب ربنا وأصيب الشعب بالوبأ وأرسل الله الملاك ليهلك أورشليم
لكن الملاك تشفع من أجل الشعب وقال لجاد النبي انه يقول لداود يصعد محرقة عند بيدر أرونة اليبوسي
(تعالوا نتعلم من أرونة)
1- أرونة المطمئن
تخيلوا معي وبأ سائد في كل البلاد وأخبار الوبأ في كل مكان وهو مطمن ورايح يدرس الحنطة مع أولاده
حتى لما شافوا الملاك المهلك وأولاده الأربعة اختبأوا هو كان واقف مطمن ويشجع أولاده
2- أرونة المعطي بسرور
لما عرض داود الملك عليه انه يشتري البيدر علشان يبني عليه مذبح ويقدم محرقة علشان يكف الله الوبأ عن الشعب قال لداود الملك
«خُذْهُ لِنَفْسِكَ, وَلْيَفْعَلْ سَيِّدِي الْمَلِكُ مَا يَحْسُنُ فِي عَيْنَيْهِ. انْظُرْ. قَدْ أَعْطَيْتُ الْبَقَرَ لِلْمُحْرَقَةِ, وَالنَّوَارِجَ لِلْوَقُودِ, وَالْحِنْطَةَ لِلتَّقْدِمَةِ. الْجَمِيعَ أَعْطَيْتُ»
3- أرونة وتخليد اسمه
بسبب تقواه اختار الرب المكان ده يكون عليه الهيكل
في سفر صموئيل الثاني ذكر ان داود اشترى البيدر والبقر ب50 شاقل
وسفر أخبار الأيام الأول ذكر أن داود اشترى المكان ب 600 شاقل
وده ان في سفر صموئيل الثاني ذكر بس تمن مكان المذبح وبعد كده داود اشترى المكان كله لتجهيزه لسليمان ابنه علشان يبني عليه الهيكل
ومكان البيدر حاليا الصخرة اللي مبني عليها مسجد قبة الصخرة في فلسطين
(تعالوا نطبق اللي اتعلمناه)
1- حافظ على سلامك الداخلي بعلاقتك الطيبة مع الله هتفضل طول حياتك مطمئن حتى في وسط الحروب لأنك واثق ان الله يحميك من أي شر
يوصي ملائكته بك ليحفظوك في كل طرقك
2- اختبر العطاء وهتشوف ربنا هيفتح عليك من أوسع أبوابه
العطاء زي بئر المية لما تعطي منها كتير تتفتح ينابيعها اما لو بخلت عن اعطاء مياهها تنشف
3- واظب ان أعمالك تتحدث عنك بعد موتك
لو عايز الناس تتكلم عنك اكتب كتاب ولو عايز الناس تفتكرك دايما اعمل عمل يتكتب في كتاب صباح الخير على الجميع 🥰♥️
