سهير وهبه
في إنجيل معلمنا متى الأصحاح 27 يطل علينا الكتاب في آية وحيدة عن زوجة بيلاطس
19وَإِذْ كَانَ جَالِساً عَلَى كُرْسِيِّ الْوِلاَيَةِ أَرْسَلَتْ إِلَيْهِ امْرَأَتُهُ قَائِلَةً: «إِيَّاكَ وَذَلِكَ الْبَارَّ،لأَنِّي تَأَلَّمْتُ الْيَوْمَ كَثِيراً فِي حُلْمٍ مِنْ أَجْلِهِ».
(تعالوا نشوف هنتعلم من كلوديا)
1- كلوديا المعينة
بيلاطس مر بمشاكل كتير في المملكة وترك روما للسكن في أورشليم
لكن صعب على سيدة تترك المعيشة في روما علشان تسكن في أورشليم
لكنها وقفت جنب بيلاطس حتى في مشاكل في وقت لما قتل بيلاطس الجليلين وخلط دمهم مع ذبائحهم وتسبب الموقف في مشاكل مع القيصر وتدخلت لحل المشكلة
وبعدها مشاكله مع السامريين ومشكلته الكبيرة مع باراباس والقبض عليه
حتى في وقت محاكمة السيد المسيح ارسلت ليه علشان ما يقتلش مظلوم
2- كلوديا والدفاع عن المظلوم
الموقف انها وقفت تدافع عن السيد المسيح لزوجها بيلاطس مش بس الموقف ده
لكنها وقفت تدافع عن كل مظلوم يوصل خبره ليها وكانت تتوسط أمام بيلاطس
3- كلوديا تتبع السيد المسيح
بعد قيامة السيد المسيح وانتحار بيلاطس في روما تبعت كلوديا تعاليم المسيح وكرست حياتها للخدمة
(تعالوا نطبق اللي اتعلمناه)
1- كن دايما سند لغيرك وخصوصا في وقت ضعفه
لأن أكتر وقت يحتاجه الإنسان هو وقت الضعف
هون علي غيرك حتى لو كلمة طيبة
كلمة حاسس بيك هتفرق كتير مع شخص يائس
2- على قدر طاقتك دافع عن المظلوم
وتذكر انك لو رجعت حق مظلوم هتقرب خطوة خطوة للسما
3-خصص وقت يكون لربنا من يومك والوقت ده يكون ملك لربنا وبس
اقفل تليفونك واغلق بابك وافتح طاقة بينك وبين ربنا
صباح الخير على الجميع 🥰❤
