قال الفنان محمود حميدة، إنّه يلجأ للأطباء النفسيين حال وقوعه في أزمة، مثل أزمته خلال زواجه الثاني، واستطاع حلها بواسطة طبيب في أمريكا: «أنا مش باخد مهدئات لأن لما باخد بيجيلي كوابيس ومفيش منوم يقدر ينيمني أكتر من 10 دقايق».
بدأت أعيط لما عديت 40 سنة
وأضاف حميدة، خلال لقاء ببرنامج «السيرة»، المذاع على شاشة قناة «DMC»، وتقدمه الإعلامية وفاء الكيلاني، «أحيانا بيجيلي كابوس سقوطي في الثانوية العامة، ولكن بييجي وقت ما أكون داخل على نوع من أنواع الامتحانات في الحياة وبخاف أسقط فيها، والبكاء بالنسبة ليا مكانش موجود عندي، وعمري ما بكيت من وأنا صغير لغاية لما عديت 40 سنة، بدأت أعيط شوية وبعد كده وقف العياط تانى بقاله 15 سنة».
أحب لما أموت يقولوا كان راجل طيب
وتابع:« أرجو تكون السيرة بتاعتي رغم الأخطاء اللي قلتها ومعنديش أي حرج إني أقولها تبقى في النهاية عطِرة، يعني يستفيد منها الناس وتسليهم وتبقى حاجات حلوة بالنسبة لهم مش بايخة، وأحب لما أموت يقولوا عليا الله يرحمه كان راجل طيب».
وصيتي لبناتي
ولفت إلى أنّ وصيته لبناته الأربعة يعرفونها، وهي أن يعملوا ما يرغبون به دون شروط، موضحا أنّه لم يوجه لهن أي شيء معين، ويكون هناك مناقشات بينهم.
