ستظهر الصفحة بشكل مختلف لآنك تستخدم نسخة قديمة من متصفح
أنترنت أكسبلورر، استخدم
التحكم فى الخط و الألوان
الكاتب
جميع مقالات الكاتب
راسل الكاتب
أحدث مقالات الكاتب:
طباعة الصفحة
فهرس مساحة رأي 
جديد الموقع
الأكثر قراءة
العيـن يا ريِّس بقت عليـك
الخميس ٥ يوليو ٢٠١٢ -
٠٠:
١٢
ص +02:00 EET
| حجم الخط : |
|
|
 |
|
بقلم: مهندس عزمي إبراهيـم
العيـن عليـك... العيـن عليـك
العيـن يا ريـّـس بقـَـت عليـك
سـوا باختيــار، أو لا اختيــار
الأمـر أصبح بين إيـديـك
وَصَلـْت..!!
والبـاقي عليـك
***
سـوا بانتخـاب، أو لا انتخـاب
صوتي نفـَع، أو صوتي خـاب
وعيــــاري صاب
أو طاش ما صاب
إحنــا هنــا
مصر بقـت ما بين ايديـك
والبـاقي يا ريـّـس عليـك
***
خـلاص ياريـّس بقيـت راعيـنا
مفروض نشـيلك جوا ف عنيـنا
ومفروض يا راعي
تـرعى... وتـراعي
بعد الأسـَى اللي فـــات عليــنا
وبعد البلاوي اللي جت عليــنا
آمـال كتيـر نأملـها فيـك
وعيــونا يا ريـس عليك
***
أنا قصدي أشرح لك قضيـة
لا في إيدي سيف ولا بندقيـة
المصري مصري.. بأي ديـن
لو حتى مُلحـِـد مالوهـش ديـن
ما دام... وَفي.. ووطني أميـن
له في المواطنة حقـوق عليـك
***
ملا يين يا ريِّس
ملايين يا ريّس مش مسمليـن
وملايين يا ريّس مسلميـن
مش أخـوان مسلميـن
بيعشـقوا البلــد الأميـن
عايزين حقـوقهم
زيهم زي الباقيـن
ملاييـن يا ريّـس بصِّيـن عليـك
بالشكوى متطلعين إليـك
والعـدل ليـهم مفـروض عليـك
***
لـو تخلي بيـهم
ولا تراعيـهم
والظلـم تطلـق له العنـان
والطائفيـة والهـوان
حتلاقيهم في الميـدان
ويخلعوك زي اللي كـان
ويقلبـوا الدنيــا عليــك
وسـاعتها يبـقى العيـب عليـك
***
لـكن النهـاردة العيـن عليـك
ومازال عشمهم في العدل فيك
فلو تراعي اللــــه ياريّـس
اللــه يوفـق مصر بيـك
العين عليـك
***
كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها
تابعونا على صفحتنا علي الفيسبوك
رابط دائم :
تقييم الموضوع :
