ماجدة سيدهم
* الشعوب اللي في المؤخرة  هي اللي يشغل تفكيرها ويقلق منامها  ويشغل  إعلامها  مؤخرة ..

* وإذ فجأة وبقدرة قادر  اتقلبت الدنيا  ..لا حديث  لا متابعة إلا عن مؤخرة  رانيا يوسف'>الفنانة رانيا يوسف في حديث  لها بإحدى  الفضائيات ..ماعلينا

  وإذ فجأة  نقح عرق المرجلة ياسادة ..  وإنهالت  أغلب التعليقات  وردود الفعل الشايطة   بالغضب حتى من بعض الإعلاميين   ..دا غير السباب والبنات ولسعة جهنم الحراق لرانيا وفساتينها ومرخرتها

.وكله الغضب دا  من باب الكرامة الحامية  والحرص المولع  على شرف الأمة وعلى  عفة شباب الأمة الحلو  ..

 الظريف أن الجماهير اللي بتصنف نفسها  بوهم اسمه الشرف هي نفسها الجماهير المصنفة عالميا   بفضيحة حقيقية مؤكدة  هي التحرش  بكل أجساد  نساء المحروسة   من أول شعر راسها حتى المؤخرة   ..وزيد عليها تفاصيل أكتر ..ولا اأستنثني ست   أو بنت  بما فيهم ستات  دعاة الفضيلة ..( أنتو ماسبتوش حتى   مؤخرات الحيوانات ..)

تعبتكوا أوي مؤخرة رانيا يوسف ..ونزلتوا مواعظ أن  جسد المرأة مش للعرض و لازم يكون مصون..

 طيب  إحنا فيها ..أنتو فين بئا  من  اللي بتتعرض له الستات من مرارة الانتهاكات اليومية وفي كل شبر ومللي  في المحروسة   وبيحصل  من جوا محراب العلم. ومحراب الإيمان حتى البيوت. والمواصلات والمصانع  والمصاعد  والملاجيء   و..و...  طبعا كل دا غير الاغتصاب

أنتو فين من الست المسنة  اللي اتعرى جسمها كله علنا في الشوارع. ..!  ايه.. مش تحت بند الشنبات  دا  ولا إيه  ..؟

فين نعرتكوا  الكدابة   من  فيدوهات لدراويش  (+18) اللي اتبلينا بيهم.  في شرح    تفصيلي  أباحي عن محاسن النهود  والفروج  والأفخاذ   المؤخرات  ..مع شوية شحتفة وسخسخة  ورعشة  وتبريق  وسلطنة  لزوم الشغل ..

انتو فين  من اللي كان السبب الحقيقي  في ضياع أجيال وزينة الشباب  وصلنا للانحطاط المرعب  للأخلاء (ق) شوارع المحروسة ..

دا وحيد حامد  ( الله ينيح روحه ) بجلالة قدرة   ماخدش
الضجة  دي كلها زي ماحظت  بيها  مؤخرة الست رانيا  ..
حقيقي الثقافة بخير  ونضافة الدماغ على مايرام ..

خلاصة  القول  تفتكروا إيه اللي ممكن ينتجه أو  ينجزه أو يطمح  فيه شعب اختار برغبته  أنه  يكون في المؤخرة .. طالما القصد والنية أنه يفضل جاهل  وأعمى وأقصى طموحه أنه يمشي ورا مؤخرة ..

هتنضف..من كل الضياع دا  صدقوني هتنضف ..