سهير وهبه
لاوي بن يعقوب من ليئة ومعنى اسمه اقتران
لاوي هنتعلم منه فضائل كتير هنلخص منها 3 فضائل
1- لاوي واختيار الله
لاوي هو جد سبط الكهنة والخدام والمرنمين واختاره الله يكون منه خدمة الخيمة والهيكل وحمل التابوت
مع إن شخصية لاوي في الأول كانت صعبة حتى في نبوة يعقوب لأولاده في الأصحاح 49 من سفر التكوين قال عن شمعون ولاوي
"شمعون ولاوي أخوان، آلات ظلم سيوفهما، في مجلسهما لا تدخل نفسي، بمجمعهما لا تتحد كرامتي، لأنهما في غضبهما قتلًا إنسانًا وفي رضاهما عرقبا ثورًا، ملعون غضبهما فإنه شديد، وسخطهما فإنه قاسٍ"
ولكن الله يستطيع ان يغير أصعب الشخصيات مهما كانت قاسية
2- لاوي والملك الأرضي
نسل لاوي التصق دايما بخدمة الرب والخيمة علشان كان ما كانش ليه نصيب مع بني إسرائيل
لأجل ذلك لم يكن للاوي قسم ولا نصيب مع إخوته. لأن الرب كان نصيبهم (تث 10: 9)
3- لاوي ومكافأة الخدمة
الله أعطي وصية لكل أسباط إسرائيل بتقديم العشر لسبط لاوي
يعني كل سبط أخد 9 أعشار ولاوي اللي اختار الرب نصيبه هياخد 10 أعشار
وكمان لاوي قدم العشر للرب وكأنه بيقول " من يدك وأعطيناك"
(تعالوا نطبق اللي اتعلمناه)
1- مهما كانت حياتك صعبة أو ملخبطة اطلب من ربنا يغيرك مفيش مستحيل عليه
كلم ربنا وجاهد وصارع في الصلاة انه يغيرك للأحسن
قول له يارب غيرني زي ما انت عايزني
2- احرص دايما ان يكون ليك وقت منتظم مع ربنا كل يوم
ربنا ليه كتير في حياته مانبخلش عليه في بعض الوقت
3- ان عملت في حياتك بأمانة وخدمت خدمتك بأمانة الله هيعطيك نعمة في عيون الكل وهتعيش مستور وغنى أفضل من غنى العالم
صباح الخير على الجميع ♥️🌹
