كتب – سامي سمعان
أطلق المرنم موريد وليم، من المصريين المهاجرين لأستراليا، أحدث أعماله الفنية ترنيمة "هو قادر".
وقال "وليم" فى تصرح خاص لـ"الأقباط متحدون" "بشكر ربنا إن ترنيمة "هو قادر" تكون أول أعمال في مشوار خدمتي عام ٢٠٢١".
وكشف موريد وليم، عن كواليس الترنيمة قائلا: "تمت بترتيب عجيب من ربنا لان الخدام من أماكن مختلفة من كذا بلد من أستراليا ومصر وأمريكا.. هى ترنيمة قارية، والحقيقة بشكر ربنا انه اتاح الفرصة لي اني اخدم مع عدد كبير من الخدام في الترنيمة لأول مرة".
وأكد وليم، "أن الترنيمة كان من المقرر أن تطرح في توقيت أخر العام الماضي، لكن ربنا كان ليه رأي تاني.. وتكون موجودة في التوقيت ده علشان أي حد بيفكر في اللقاحات والكورونا أو أي حد فقد فرد من أفرد أسرته أو صديق أو أي حد عنده يأس أو تعب نقول له انه "هو قادر" ونقولها ويكون فيها فرحة وبهجة.. نقول انه قادر يحمينا وقادر يشيل اي وجع".
في جزء من الترنيمة بيقول
هو قادر هو صالح مهما كان الطعم مُر
مهما قصرت ولا طالت هي غيمة و اليوم تمُر
مهما شفت الوان كتير خط فاتح و الباقي عتمه
لسه برضه شايفك قدير لي فيك سلام و نعمة
و إن شافوها الناس سواد باعلى صوت هاصرخ و اقول
هو قادر هو صالح مهما كان الطعم مُر
مهما قصرت ولا طالت هي غيمة و اليوم تمُر
فريق العمل ترنيمة "هو قادر"
ترنيم: موريد وليم
كلمات: فوزي فرج
الحان: نادر صفوت
توزيع: رفيق جمال
ميكس و ماستر: هاني ثابت
قانون: راجي كمال
پوستر و لوجو: مينا خالد
مونتاچ و ڤيديو: ممدوح حسني
