بقلم جورج حبيب ( سيدني-استراليا )
قال الديب للحمل مالك كده هادي
لا ليك صوت ولا تهاجم وتنادي
دا انا بستخبي واهجم علي طول
قال الحمل انا بطبعي موش اكول
قال الديب يعني عمرك ماخنت
ازاي اخون وانا حمل وديع
والخيانه للديابه ودا طبع فظيع
قال الديب للحمل نفسك تبقي ديب
قال الحمل مينفعش حبقي غريب
غريب في طباعي واحوالي
وانا راضي وفي التضحية حياتي
قال الديب بس الكل بيطمع فيك
قال الحمل ربنا قاللي انا حاميك
وان هاجمتك ديابه انا هفديك
ازاي عايزني ابقي ديب
هو ينفع الميه تبقي لهيب
انا حمل وجمالي في وداعتي
وانت ديب وبتشتهي لحمي
ما ليش خلطه معاك
خليك هنا وانا هناك
بس هاخد حرصي منك
لاني عارفك وعارف خططك
بس برده انا حمل وانت ديب
وكل واحد وطبعه للتاني غريب
انت طبعك التعدي
وانا اشوف الشر واعدي
ومسيحي كان حمل
قدم نفسه من غير خجل
قوته في ضعفه
يفدي الكل من خطئه
وانت والشيطان حلفاء
تتسابقوا في خطف البسطاء
عرفت ليه انا حابب اني حمل
لانك ديب متعرفش الخجل
لا عمرك يوم حبيت
ولا لغيرك يوم حنيت
