سهير وهبه
لما نتكلم عن ثامار غالبا يوجه الاتهام لها بالزنا وانها خاطئة
لكن تعالوا نتأمل في شخصيتها من منظور تاني ، نظرة مجردة من الإدانة وهنشوف هنتعلم ايه من قصة (ثامار)
1- ثامار الضعيفة
كانت ثامار ضعيفة نظرا لعادات العهد القديم ان البنت ليس ليها أي رأي لا في زواج ولا لها حق اختيار (ودي عادات بشرية مش وصايا من الله )
يهوذا زوجها ابنه عير وكان شرير فأماته الرب
يهوذا زوجها ابنه التاني أونان علشان يقيم نسل لأخوه وكان شرير ورفض يقيم نسل لأخوه ومات
يهوذا خاف على ابنه التالت شيلة
ففال يهوذا اقعدي في بيت أبوكي لغاية ما يكبر شيلة وتتزوجيه
في كل ده كانت ثامار لا مجال للاختيار ولا الاعتراض
2- ثامار والبحث عن البركة
كلنا عارفين مدى الشعور بالعار ان واحدة تموت بلا أطفال لأن كل السيدات تحلم انه يجي منها أو من نسلها المسيا المنتظر
يهوذا اخطأ من الأول انه تزوج من بنات كنعان وكان إبراهيم أوصى أليعازر الدمشقي انه لا يزوج ابنه من بنات كنعان
لكن ثامار تصرفت تصرف بشري علشان تضمن حقها في البركة
زي ما يعقوب استعجل على البركة وسرقها بطريقة بشرية
وزي ما ابراهيم استعجل على النسل وأخذ هاجر بطريقة بشرية
3- ثامار في نظر الكل خاطئة
هل فعلا ثامار خاطئة؟
ثامار لما سمعت ان يهوذا جاي المدينة خلعت ثياب ترملها ولبست برقع
والبرقع كان لبس السيدات الكنعانيات اللي ندروا نفسهم للزنا لمدة سنة وكانت الفلوس اللي تاخدها تتبرع بيها لهيكل الأوثان
فكان الرجال تتقدم لمعاشرة السيدات دي ويدوهم فلوس كتير علشان يتبرعوا ويسدوا ندرهم وكان لا يكشف وجههم حتى لا يخجلوا والأغلب كان المعاشرة بدون لذة
وده اللي عمله يهوذا افتكرها زانية زي الكنعانيات
بدليل انه لما أخدت الرهن منه العصا والخاتم والعمامة قال ان كان في زانية هنا
قالوله ما كانش فيه زانية هنا
اذن لو كانت هي عايزة الزنا كانت كملت لانها مشيت مباشرة
اي كان فكرك وتقييمك للي عملته ثامار لكن تذكر نعمة الله علينا
اننا ونحن بعد خطاة مات المسيح عنا
وأكبر دليل على كده المسيح اختارها انها تكون من سلسلة نسبه واصبحت جدة من جدات السيدالمسيح
(تعالوا نطبق اللي اتعلمناه)
1- اوقات كتير سكوتك وخضوعك بيكون ليه مكافأة من ربنا
لأن ربنا هو اللي هيحامى عنك
الرب يدافع عنكم وانتم تصمتون
2- ابحث عن البركة ولكن بطرق سليمة
لأن بسبب الطرق الملتوية عاش يعقوب طول عمره تعبان
3- لا تشغل بالك من يدخل السما أو يدخل الجنة
اظهر للناس السما أو الجنة في تصرفاتك
ولا دخل لك مين يدخل ولا مين يخرج
صباح الخير على الجميع💖🌹
