سهير وهبه
معنى اسمه الرب قوة
شخصية حزقيا فيها الكتير من الفضائل اللي نتعلم منها اوقات ضعف لكن في مجمل حياته كان مثال نتعلم منه
1- حزقيا والاختيار الصحيح
عرفنا من شخصية أبية بنت زكريا أمه وان أبوه كان أحاز الملك الوثني لكنه اختار يتعلم طريق الله على يد أمه
يعني حزقيا طلع شاف أبوه ماشي غلط كان سهل يمشي في الغلط
2- حزقيا ونشر الإيمان
استلم حزقيا المملكة من ابوه متدمرة روحيا
عبادة البعل في كل مكان ، عادات ورجاسات الأمم تأصلت في الشعب
وصلت انهم يخلوا أولادهم يعبروا النار ارضاء للأصنام
لكنه نزع كل المرتفعات ومنع أي عبادة للبعل
وتحمل تذمر الشعب وعدم رضاه ترك عبادة الأوثان
لكنه كان قوي في نشر الإيمان وكان مثال حي قدام شعبه
3- حزقيا المتكل على الرب في كل طرقه
لما أرسل ملك أشور رئيس جيشه ربشاقي برسائل تهديد لحزقيا اخذها ونشرها قدام الرب
وكأنه بيقول ان التهديد ده ليك انت يا رب علشان احنا اولادك
وفعلا الله تدخل بأمر عجيب
(تعالوا نطبق اللي اتعلمناه)
1- مهما كان المجتمع فاسد كن انت الشمعة اللي تضيء الظلام
ولا تعتاد على المواضع الفاسدة لئلا تفسد حياتك وتخسر كل شيء
2- كن قدوة لكل الناس ليروا أعمالك الحسنة فيمجدوا أباك الذي في السموات
خلي الناس تشوف فيك ربنا ويلمسوا ايد ربنا في حياتك
3- اجعل اتكالك على الرب في كل كبيرة وصغيرة على الأقل قبل ما تعمل أي عمل قول لربنا يدك يارب قبل يدي
صباح الخير على الجميع 🌹❤
