عيد منصور
لما واحد من الكبار اصحاب النفوذ والمال يرتكب جريمة او فعل ضد القانون ويتقبض عليه او على ابنه او حفيدة نسمع على طول جملة احنا فى بلد قانون طيب لما بيتقبض على واحد غلبان ما احنا برضو بلد قانون.كل بلاد العالم بلاد قانون وما اجمل القانون وما اعدل نصوصه وما اروع ما صمم ووضع من اجله القانون ولكن........ماذا يفعل القانون عندما يدهس الغنى المتهور المحشش السكران مهندسة مكافحة فى ريعان شبابها وتعيش اسرتها فى ألم وحزن على الفراق يتم القبض عليه وعرضه على النيابة ويهلل المهللين احنا فى بلد قانون.ولكن.....صاحب النفوذ والمال يوكل دستة محامين مشهورين حافظين القانون وعارفين كل ثغراته وفاهمين بلد (القانون) يجيبوا براءة او حكم مخفف للباشا و........كله بالقانون ودا فى حالة لو رفض اهل الضحية شراء سكوتهم وتنازلهم بالمال والغلبان ضعيف وغلبان امام المال وتنتهى القضية وكله بالقانون فى بلد قانون.ولكن تخيل لو الجانى من عامة الشعب لا يملك سلطة ولا مال هنا نرى قوة القانون فى بلد قانون.. لانه ببساطة لا يستطيع دفع المال للتنازل ولا توكيل محامين عقر علشان يخرج زى الشعرة من العجينة ويطبق عليه القانون زى ما الكتاب بيقول.بلاش نضحك على بعض فى كل دول العالم لا يعامل صاحب النفوذ والمال مثل ما يعامل الانسان البسيط وان كان ذلك يحدث فى مصر اكثر بكثير ان لم يكن شئ عادى ومنطقى.العيب مش فى القانون او نصوصه العيب فى التحايل عليه وكله......بالقانون.ربوا اولادكم على احترام الآخرين ومراعاة مشاعرهم والحفاظ عليهم لانهم بكل بساطة بنى آدمين زيهم.علموهم احترام القانون لان لو احنا فى بلد قانون فعلا كان ابن الباشا ما يسوقش عربيته وهو سكران وعكس الطريق ولو كان عمل كدة واحترم القانون مكنتش هتبقى فيه حادثة من الاصل.الباشا ماشى غلط وضد القانون وتقولو بلد قانون..اين القانون؟بلاش نفاق واستهتار بعقول الناس.....وكله......بالقانون
مع تحياتى
