جورج حبيب
عرفوا يتوبوا توبة ناس صاحيين
صدقوا يونان وعلي طول كانوا صايمين
امنوا وعرفوا الله مع انهم  ناس وثنيين
لبسوا المسوح وعلي الارض كانوا جالسين
لا اجلوا ولا قالوا بكره حنكون منفذين
صام الملك  والناس والحيوانات كانو طايعين
علشان كده حيدينوا العالم يوم الدين
يا ريت نتعلم منهم ونكون زيهم شاطرين
نتوب توبه حقيقية ونترك غواية الشياطين
لا يضيع مننا الفردوس ونكون ندمانين
النهارده لنا فرصة بكرة منعرفش حنكون فين
الابن الشاطر قال اقوم الان موش بعدين
رجع لبيت ابوه جري وبقي من القديسين
وفي صوم يونان فكر وابعد عن ابليس اللعين
صوم واتقشف وخليك من الطاهرين
كل سنة وانتم  جميعا من التايبين
صلوا وقولوا جميعا امين امين