حرصت الراقصة دينا، على طمأنة جمهورها، بعد سلبية مسحة كورونا الأخيرة، مؤكدة أنها باتت في صحة جيدة إلى حد ما، لكنها لا زالت في مرحلة التعافي، حيث جاء ذلك في أول ظهور لها بعد إصابتها بفيروس كورونا، من خلال مقطع فيديو نشرته عبر حسابها الشخصي على موقع تبادل الصور والفيديوهات «إنستجرام».
وقالت الراقصة دينا: «أنا كويسة والنتيجة بقت سلبية وبتعافي، ادعوا لي أبقى أحسن، عشان الخناقة كانت صعبة جدًا.. والخناقة مع الفيروس مش تمام.. صعبة وسخيفة.. لازم الناس تخلي بالها من الفيروس، أنا كنت بخلي بالي جدًا، بس نصيب ورزق وكنت راضية بيه».
وتابعت: «واحشني الكلام.. أنا كنت بين 4 حيطان، وكنت بتكلم مع الحيطان، اتعلمت جدًا من التجربة دي، إنك تمشي في الشارع وتشوف النور بليل، وتشوف صحابك وأهلك كل دي نعم، الواحد ماكنش حاسس بيها.. وأنا بشوف أمي حاسة بجائزة إني قادرة أشوفها واتكلم معاها».
ودخلت الراقصة دينا، في نوبة بكاء، خلال حديثها في مقطع الفيديو، إبان حديثها عن والدتها، بقوله: «بشكر أمي.. اللي مارضيتش تسيبني وتسيب البيت وفضلت قاعدة معايا ومخفتش على نفسها، وأنا كنت خايفة عليها.. بس هي ست قوية، وبحترم فيها قوتها، وأنا طالعة زيها، أمي فضلها على راسي من فوق، مهما قلت مش هوفي لها الدين».
