باسم يوسف
من اكتر التعليقات اللي جت على البوستات اللي فاتوا تعليقات من عينة : انت سايب الحمار و بتتشطر على البردعة او ازاي انت شمتان في قفل مجال معارضة ضد النظام الخ الخ .
اولا انا مَش فارق معايا مين يتكلم من برة و لا جوه . انا واحد ما زايدتش على مين بيتكلم او لا لان كل واحد فيه اللي مكفيه . لكن المنصات دي بدل ما تعارض فعلا ، استثمرت جزء كبير جدا من وقتها في الهجوم على اي حد عارض مرسي او الاخوان و تم اتهامنا بابشع الاتهامات من عمالة و خيانة و غيرها . اكتر من مرة ابقى في حالي و اشوف فيديوهات من قنواتهم سواء بقى معتز مطر و لا ناصر و لا زوبع و لا التاني ده الجوادي اللي مسمي نفسه ابو كسم التاريخ بيشتموا فيا و يخوضوا في عرضي و انا اصلا مَش باجيب سيرتهم . فمين بقى اللي سايب الحمار و مركز مع البردعة؟
تاني حاجة مظلوميتهم المستمرة و ادعاءهم انهم الوحيدين الثوريين و ان الباقي خونة و باعوا الخ الخ، الحاجات دي لازم يترد عليها لان فيه اجيال كانت صغيرة ما حضرتش وساختهم. عشان كده البوستات دي مهمة عشان تفكر الناس و نفكر البهايم اللي بتساندهم ع الحق و الباطل ان افعالهم كانت السبب الاساسي لكل الدمار السياسي و الظلم اللي بيحصل دلوقتي.
مثال لكدة مثلا : شفنا الزواج السياسي ما بين الاخوان و السلفيين و شفنا ازاي لما كنا بنجيب سيرة ياسر برهامي و لا عبد الشحات مبروك ده و لا اسمع ايه ده عبد المنعم الشحات و لا حازم "ليبرالية يعني امك تقلع الحجاب يا برادعي" شومان ، كان الاخوان على قلب رجل واحد بيدافعوا عنهم و عن بقية امنجية حزب النور. اللي هما اول ناس باعوهم . حسان و يعقوب و غيرهم من اصنامهم المقدسة اللي وقفوا معاهم و منهم حسان اللي كان كتف بكتف مع مرسي في الصالة المغطاة بعد ما شدوكم معاهم باعوكم هما كمان . تقوموا سايبين كل دول و ماسكين في "العلمانيين، و العملنج و الليبراليين الكفرة"؟ . يبقى مين اللي سايب الحمار ؟
الاخوان بيحبوا قوي سيرة رابعة لكنهم بيحاولوا انكم تنسوا اللي حصل ع المنصة بتاعتها لما كان شيوخكم و قاداتكم بيبشروا المؤمنين برؤى و احلام و نزول جبريل و الملايكة تسأل على مرسي و تجاهد معاهم و باعوا لحبة غلابة صكوك الجنة و الاستشهاد لحد ما حصل اللي حصل.
ده لما شباب الاخوان اللي محبوس في السجن عمل مبادرة مصالحة و تهدئة عشان يطلعوا ، قياداتكم اللي قاعدين مفخدين في تركيا اختاروا انهم يتجاهلوا المبادرة دي و ايه يعني لما يفضلوا "مسجونين و مجاهدين عشان الدعوة" . ما هو طبعا ما انتم بتحاهدوا في التكييف على حسابهم، زي ما اللي ماتوا في رابعة استغليتوا ده لقضيتكم . مَش مشكلة خالص كام واحد يموت عشان القيادات بتاعتكم .
فضايح تركيا اللي طلعت و اللي اتكلم عنها اخوان من جوه و اللي حكوا فيها عن استغلال قياداتكم للشباب الغلبان و اعطاءهم الفتات في حين ان القيادات مأمنة نفسها ماديا و سياسيا دليل تاني ان الجماعة دي جسم كبير قوي بيخدم ع الكبار اللي فوق و بيطحن اللي تحت عشان الكبار بس يعيشوا . الصغيرين ما هم الا وقود لطموحاتكم، يتسجنوا يتقتلوا مَش مشكلة.
الناس لازم تفتكر ان انتم كنت منفرين ووسخين و ان خطابكم العرص بتاع الجماعة الربانية و استاذية العالم غير انه خطاب فوقي لا ده كمان خطاب بضان. ده انتم طلعتوا دين امنا في خطاباتكم التافهة اللي منها المناحة السنوية بتاعة "ستعود الاندلس" . تعود مين يا اهبل منك له؟ يعني عايز تقولي ان شوارع مدريد و برشلونة و لشبونة و بورتو حترحب بسحنتكم دي ؟ دي مصر ، الارض اللي شختكم ، مَش طايقة دين ابوكم. اندلس ايه اللي ترجعوها؟
يا عرة الجماعات يا لمامة الكوكب يا اضحوكة العلوم السياسية يا شرموطة كل نظام يا شماعة كل ديكتاتور يا انجاس يا شراميط (مع تحيات حبيبكم وجدي غنيم اللي برضة كنتم بتساندوه و كفركم. مافيش فايدة)
