كتبت - مارتينا موريس
شارت أسما شريف منير متابعيها عبر حسابها الخاص بموقع التواصل الإجتماعي " إنستجرام" ، بعض من الكلمات التشجيعية لكل فتاة تمر بنفس حالتها الإنفصال.
حيث عبرت قائلة : " دايماً لما اتنين بيسيبوا بعض كل واحد فيهم بيبقي عايز التاني يحس انه تعبان من غيره، او فحال اوحش، عشان يعرف يعدي و يقوم، هكدب عليكم لو قلتلكم محستش كده!! بس بما اني مركزه مع تجربتي المره دي عشان فعلاً عايزه اتعلم و اقوي بجد ، قعدت احلل الاحساس ده بكل تفاصيله لحد ما وصلت ان لو فعلاً الواحد في يوم حب ازاي ممكن يتمني لحد حاجة زي دي، ايه الأنانية دي؟ حتي لو اتأذيت ليه اوصل اني اتمني ان الشخص التاني يتعب عشان يحس بقيمتي!!
وتابعت دة احساس مؤذي و ده مش طبعي، فا هذبت نفسي و لومتها و قلت لنفسي ان لو ده اختبار من ربنا يبقي لازم الواحد يكون قده! مش كلام و خلاص.
و تكون النهايات اخلاق مش ادعاء ، لكل ست في نفس الموقف لو حسيتي بكده اقفي مع نفسك! وقفي نفسك، و غيري التفكير ده من جذوره و دعي الخلق للخالق.
ركزي في ازاي تقومي بطريقة صحية و اتمني لغيرك اللي تتمنيه لنفسك عشان {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا}
سامحي حتي لو مش انتي اللي غلطانه، ان الله غفور رحيم. (لا تنسوا الفضل بينكم)".
الجدير بالذكر هو إعلان أسما شريف منير انفصالها عن الفنان محمود حجازي حيث دام الزواج ثلاث سنوات فقط ، فقد تزواجا في 2018 في جو عائلي خاص دون حفل زفاف بحضور والدها الفنان شريف منير والعائلة.
