ممدوح الديري
انا مش معاهم انا معاكي
انا اللي دايب في هواكي
انا اللي قلبي بيشتاقلك
ولما بدور وبتعب بلقاكي
انا شايف وانا الاعمي
انك معانا طول الزمان
انا اللي حاسس بالبركة
اللي حصلت في المكان
انا اللي مهما قالوا الناس
تعبنا
شايف فرحهم بالايمان
تعبوا كتير علشان يجولك، وسمعوا اللي حاصل بالتمام
ماثرش فيهم الكلام
وجم ياخدوا بركة المكان
وكانوا لما بيوصلوا تسجد ركابهم
ينسوا تعبهم وحتي العجوز
كان في المشي سابق الصغير،،،، لأنك الطاهرة كنتي ظاهرة وكانوا شيفينك بالايمان
كل تعبهم بيحل عنهم لما جوه ديارك حسوا بسلام
مفيش لاسرقه ولا معاكسة اومضايقه وخناق
البركة حلت في المكان
