سامي حَرَك
أنا لا قتلت ولا حرضت علا قتل حد!
أنا لا زنيت ولا اغتصبت!
أنا لا انتقمت ولا حرقت!
أنا لا أفسدت ولا أرهبت حد!
أنا لا اعتديت ولا عورت حد!
عمري ما قصدت أزعل حد!
عمري ما قصدت أضر انسان ولا حيوان!
عمري ما كنت السبب فـ دموع حد!
أنا لا ظلمت حد, ولا حقدت علا حد!
أنا لا سرقت, ولاخت حاجة حد!
أنا لا باكل أكتر من حاجتي, ولا بكمكم الأكل!
عمري لا بوظت المحصول, ولا كسرت الشجر!
عمري ما حرمت حد من حقه!
أنا لا بحب شهادة الزور, ولا بحب التزوير!
أنا لا بكدب, ولا بتكلم وحش عن حد!
أنا مبوقعش الناس فـ بعض!
عمري ما استغفلت حد!
عمري ما استحقرت حد!
عمري ما اتنصت ولا اتجسست!
أنا راجل حقاني!
مبستعجلش فـ الحكم ع الناس!
أنا بحترم المقدسات!
لا ظلمت عامل ولا قطعت عيشه, ولا حبسته!
عمري ما غضبت من غير سبب!
عمري ما قطعت الماية الجارية عن حد!
عمري ما عطلت الماية الجارية!
عمري ما وسخت الماية, ولا بوظت الأرض!
عمري ما استغليت اسم ربنا, لا فـ شغلي ولا فـ حياتي!
أنا لا بحتقر ولا بزعل الأرباب!
عمري ما سرقت بيوت الأرباب!
أنا لا برش فلوس بزيادة, ولا ببخل!
عمري ما طمعت فـ اللي عند جاري!
انا لا بسرق حاجة الميتين, ولا بشتم فيهم!
أنا بفتكر المناسبات وبحافظ عليها!
عمري ما خت ولا بددت فلوس الصدقة!
أنا لا بمنع ولا بعدل علا حد فـ صلاته!
عمري ما دبحت حيوان (مقدس)!
أنا لا بمكر, ولا بقاوح!
عمري ما اتعاليت ولا اتعنطظت!
عمري ما تفشخرت ولا فشرت!
أنا بعمل شغلي أول بأول!
أنا لا بخالف, ولا بخون!
