ممدوح الديري
حط عليا الحمل بايد ورفعني وشال الحمل معايا
وصليبي كنت بقول داه تقيل وشديد واهو شالني شايل ويايا
مش متحمل حملي وفاكر أن صليبي كبير وتقيل
جه وراني احزان الناس لقيتها
اصعب بكتير
اللي صليبه الآلام وأمراض
أو بيت خالي من الاولاد
اللي عايش خلافات وعناد واللي في سجن ونسله اتباد
اللي مات يوم حتي راجلها
واللي اخوها في ميراثها وأكلها
وناس مش لاقيه القمه تعولها
دي صلبان اصعب بكتير
اللي عايشها في فقر وضنك. لا فلوس في الجيب ولا في البنك
واللي الناس كتير ظلموه تعب دايما ومن اجرته حرموه
وانا بتأمل قولت ياربي شكرا ليك علي إحسانك
انت معايا رغم صليبي وانا هاستحمل مري عشانك
دنيا بلا اوجاع متساوي والمرتاح مبيتذكاش
بكره تنال اكليل سماوي
عن صليبك ابدا متتخلاش
