محرر الأقباط متحدون
وجهت عزة السيد والدة البطلة المصرية فريال أشرف عبد العزيز، فى مداخلة هاتفية لبرنامج مع شوبير عبر إذاعة أون سبورت إف إم الشكر للرئيس السيسي قائلة "مش قادرة أوصف إحساسى بعد قرار الرئيس السيسى بإطلاق اسم بنتى على محور التجمع الخامس، والله مكنتش مترتبة وكلنا اتفاجئنا بيها وهى أحسن مفاجأة من أب لبنته التى تألقت وأبدعت".
وأكملت والدة فريال أشرف: "بنتى جمعت بين الدراسة والرياضة وهى فى كلية الصيدلة والكلية ساعدتنا كتير عشان الرياضة وأجلت ليها امتحانات ولما ترجع هيكون عندها امتحان فى شهر سبتمبر".
وتضيف والدة فريال أشرف: "إحنا ساكنين فى منطقة شعبية هى المطرية والناس فرحانة بيها أوى، لدرجة بيدهنوا البيت والشارع استعداداً لوصولها وقالولى متعمليش أكل إحنا هنجيب عشان نحتفل بيها".
وتابعت: "الكوبرى اللى هيكون باسم بنتى هلف عليه يومياً 10 مرات من فرحتى بإنجاز بنتى وقرار الرئيس، وفريال وعدتنى قبل ما تسافر لو حققت ميدالية هتخلينى أحج بيت ربنا وقالتلى هتنفذ وعدها وتحقق حلم حياتى".
