بقلم جورج حبيب
يا اللي حياتك كلها كلام في كلام
كله عندك سلطه وكلام من هنا وهناك
لا يوم فكرت في كلامك وكانه كلام عيال
عمال تحدف طوب وتنسي كانه خيال

وكلامك يقتل ناس ويعور بعض ناس
ما فكرت يوم تحسن وترقق الاحساس
ولا فكرت تملح  كلامك وشيطانك الدساس
مسكين عمال تخبط وتحطم الامال

ما يوم اتعلمت من مسيحك ضبط الكلام
ولا يوم سمعت كلامه حتي مع العوام
وازاي هو طبيب يداوي ويدي كل  سلام
ويحول كل ضعف الي توبه وامان
يا اخونا دا كلمة حلوه  تغير الاحوال

يا تقتل بها يا تغير من حال لحال
صدقني الناس غلابة مش ناقصة كلام
يعكر حياتها وتتمني تكون من الاموات
حاول تصلح وتفرح بكلمة   كل زعلان

خلي الكل يسمع لك  ويبقي  مش زهقان
هو انت مش مسيحي  تشارك التعبان
وبلاش سكينتك تدبح بها الغلبان

كله هتدفع ثمنه اوعي تكون نعسان
ومتنساش بكلامك تتبرر وبكلامك تدان