منى زكى " لازم يكون فى ضمير تجاه شغلك مهما كان كبير أو صغير وإن لازم أعمل أحسن ما عندى"

قالت الفنانة منى زكى  فى حوارها لبرنامج "صاحبة السعادة" للإعلامية إسعاد يونس، المذاع على قناة Dmc، إن أصعب مشاهد مسلسل لعبة نيوتن هو مشهد محاولة اغتصابها ومشهد الولادة الذى صورته على شهور.

 

وأكدت منى زكى: "مطار أمريكا مش حقيقى وكان جرافيك، واتبذل فيه مجهود كبير جدا، وكل الناس اللى اشتغلت فى المسلسل ده كان ضميرهم صاحى لوحدهم ودى حاجة مهمة أوى إن لازم يكون فى ضمير تجاه شغلك مهما كان كبير أو صغير وإن لازم أعمل أحسن ما عندى".

 

وأشارت أن : "مشهد الولادة كان صعب عشان كان مشهد متفرق ومكنتش صورته على بعضه، ولكن صورته على شهور، ويمكن صدقى فى المشهد كان نتيجة استرجاع للمشهد لأن أحيانا بيكون فى مشاهد بتعلم مع الواحد وبتفضل راكور مع نفسه فى تصرفاته وحركة ايده".