متابعة تهاجم رامي صبري : "نجاح حفلك لعنة من الله" .. كيف رد عليها؟
احتفل الفنان رامي صبري بنجاح حفله في بورتو جولف الساحل الشمالي، عبر حسابه بموقع التواصل الاجتماعي Facebook وكتب قائلًا "الحمد الله النجاح عندي صورة مش كلام صحافة ولا إعلام".
وتابع قائلًا "ولا عمري بشتغل كده، الصورة بتخلص كل الكلام، والنجاح والتوفيق من عند الله مش من عند مخلوق، يعني أنا مش مستني حد يكتب ولا يتكلم، وطول عمري مش مستني غير الصورة اللي قدامكم دي».
وأضاف "دي اللي تهمني الجمهور وحب الناس، شكرا لكل واحد جه حفلة الجولف أمس 20.000 أخ وأخت شرفونا، يارب أكون أسعدتكم على قد ما أسعدتوني بحضوركم"
واختتم صبري حديثه قائلًا "شكرا بورتو عامر جروب، شكرا الشركة المنظمة وليد منصور، وشكرا لكل حد من تيم رامي صبري على الشغل المحترم. وإن شاءالله نعمل حفلات كبيرة كتير جايه»
تفاعل الجمهور معه وقاموا بتهنئته بنجاح الحفل ولكن وبين التعليقات ردت إحدى المتابعات قائلة "توفيق إيه اللي من عند ربنا دي لعنة أن كل واحد يسمع أغنية من بتوعك بتأخد عليها الذنب مضاعف، تبقي لعنة ياحبيبي مش توفيق، ربنا يهديك ويهدينا».
رد رامي صبري عليها قائلا «ربنا يهديكي».
يشار أن حفل رامي صبري في الساحل الشمالي والذي أحياه مساء الخميس رفع لافتة كامل العدد، وقدم صبري من خلاله باقة من أجمل أغنياته.
