بقلم جورج حبيب
قال النهار لليل لونك اسود ليه
قال بس الكل يحبه ويجري عليه
الكل في يحب يرتاح
بعد ضوضاءك وحركتك الكتير
الناس يلزمها هدوء ودا مش كتير
وانا بطبعي ليل هادي
واصواتي قليله ولا حد ينادي
والكل في سكوني متهني
والكل متجمع ومستني
جلسة عائلية جميلة
وعشوة عزوه لذيذه
وكلمات من القلب ولو قليله
واللي يبص للسماء يلاقي نجومي
جيران مع بعضهم بيلاغوني
فاهم كلامهم وهمه عيوني
منورين وثابتين ولبعضهم محبين
ويحاكوا القمر ويحاكيهم
ويعظموا خالقهم بكل ما فيهم
وفي سكوني تحلي الصلوات
وكلام كله صلاة وتاملات
ومزامير وصلوات اجبيه
وترانيم جميله رايحة وجايه
وفي ليلي الكل هادي
وفي المناسبات كل التهاني
والكنيسة تسهر في
تسبح يا بني النور قوموا لي
وانت يا نهار بضوضاءك
الكل بيجري حتي اصحابك
ما حد داري بحد
حتي ولو كان يوم حد
شمسك محرقة وقويه
والناس منها خايفه ومخفيه
ويدوروا علي شوية هدوء
ويرفعوا عيونهم لفوق
مستنيني انا الليل اجي
اطبطب عليهم وداويي
واقول تعالوا اهدوا
استريحوا واسترخوا
عرفت يا نهار مميزاتي
وانه مش باللون ولا بسوادي
