كشفت مقدمة البرامج المصرية ريهام سعيد عن تعرضها للسحر الأسود بوقف الحال والعمل والمرض والطلاق وأنها بسبب هذا السحر لا تستطيع قراءة الأذكار والتسبيح.
ريهام سعيد تروي قصة تعرضها للسحر وعلاماته
وفي بث مباشر عبر صفحتها الرسمية على موقع وتطبيق "فيسبوك" روت ريهام سعيد تفاصيل ما تعرضت له من سحر قائلة: "قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق والناس بتاعة ربنا اللي مش يبقى ليها في الدجل والشعوذة بيقولولي إن أنا معمول لي سحر وكل ما يتفك الجهة دي بتجدده وللأسف هي مش جهة واحدة اللي بتعمل كده ناس كتير أوي وأسبابهم مختلفة".
وأضافت ريهام سعيد:"هناك علاقة وثيقة بين الآثار والسحر وأن معظم من يعملون في الأسحار يعملون في التنقيب عن الآثار والدليل على ذلك أنها لاحظت تغير حياتها رأسا على عقب بعدما ذهبت لمنزل 5 فتيات في إحدى حلقات برنامجها قالوا إن منزلهم تحته آثار ولذا حدث لهن مس".
وتابعت ريهام "طبعًا كل اللي بيحصل بإذن الله ومن عند ربنا فأنا مقتنعة أن كل اللي بييجي من عند ربنا خير لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك" مشيرةً إلى أن الداعية مصطفى حسني قال لها إن سورة البقرة قوية جدًا".
وأردفت "كل ما آجي أمسك سبحة لأعمل أذكار الصباح والمساء يحصل حاجة ومعرفش أقولها، فعلاً الحاجات دي مُتعبة والناس اللي بتعمل فيّ كده مش عايزة تهدأ غير لما يتقضي علىّ خالص، أنا زهقت وفكرة أن حد يؤذيني بتبقى صعبة أوي، عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب أنا لما بصلي بنهار من الدموع وقرأت لشيوخ بيقولوا إن ده من علامات الحسد".
ريهام سعيد تكشف عن زميلة تجدد لها السحر
وأكدت ريهام أنها تعلم جيدا من وراء هذا السحر وقالت "عندي زميلة عايزة تدمرني وبتشتغل من تحت والأذية أخرتها مش حلوة خالص وكله هيرجع، ودعت ريهام متابعيها لقراءة سورة البقرة يوميا للتخلص من السحر.
يذكر أن ريهام سعيد أعلنت قرار اعتزالها العمل الإعلامي والعودة إلى التمثيل، مكتفية بما قدمته في مجال تقديم البرامج التليفزيونية.
