عبد المنعم بدوى
يمكن للأنسان أن تكون له رؤيا ووجهة نظر فى أى فيلم تخالف رؤيتك ووجهة نظرك ، لكن أن نسيس كل شيىء ونستغله فى التطبيل عمال على بطال هذا مرفوض وغير مقبول .
وسأذكر الممثل شريف منير والذى كان يقوم بدور يوسف بالحوار الذى تم بينه وبين والده الشيخ حسنى فى فيلم الكيت كات : يقول يوسف لوالده الأعمى :
ـ طيب إيه أحسن من الفلوس ؟ .. تقدر تفهمنى يابابا ؟
ـ أحسن حاجة فى الدنيا الناس الطيبين يا يوسف .. و عشان كده لما هايخلصوا .. هاتخلص الدنيا
ـ طيب و الطيبين دول هيعوضونى عن الفلوس و لا هاآكل و أشرب و أتجوز بيهم ؟
ـ اللى بيأكلك و يشربك و يجوزك هو رب الناس الطيبين .. خلى بالك من الطيبين و ماتجيش عليهم و لا تمشى فى ديل اللى ييجى عليهم .. هتلاقى ربنا معاك و يكرمك
ـ الطيبين اللى اعرفهم كلهم غلابة .. عايزنى أبقى فى كفة الغلابة ؟
ـ يابنى الدنيا بتتشقلب فى يوم و ليلة و الغلبان بيقوى و القوى بيهده اللى أقوى منه ، و المحبوس يبقى بره و اللى بره يتحبس و اللى فوق يقع على جدور رقبته ، و اللى تحت يبقى فوق ... ما يغركش البهرجة الكدابه اللى حواليك .. دى نفخة واحدة من السما تعدل المقلوب و تقلب المعدول .. فوق يا يوسف ....
للأسف ياشيخ حسنى ، يوسف مافقش لغاية دلوقتى ، ربنا يهديه .....
