أعلنت النجمة نشوى مصطفى تنازلها عن قضية اتهام عدد من الأشخاص بالتحرش بابنتها أثناء قيادتها برفقة زوجها، واثنين من أصدقائها سيارة ملاكى على طريق كوبرى المنصورية - الهرم بمحافظة الجيزة.
وكتبت نشوى مصطفى على "فيسبوك"، قائلة: "الحمد لله تم القبض على العربية باللى كانو فيها فى أقل من أربع ساعات، للأسف كلهم سنهم صغير، والهدف اتحقق إنهم هما وغيرهم عرفوا إن مصر اختلفت وكله متسجل وإن عندنا عنين صاحيه بتحمينا ومحدش فوق القانون".
التحرش بابنة نشوى مصطفى
وتابعت: "يمكن آخر سطر ده يزعل بعض الناس اللى طلبو منى إنى استمر فى القضية، بس حرصا على أمهات وأسر المتهمين وانهيارهم بأن ولادهم يتسجنوا.. انا وابتغاء مرضاة الله، تنازلت عن القضية عملاً بمبدأ العفو عند المقدرة، ربنا يهديهم، كل اللى طلبتو من أهاليهم وهما بيعتذروا لبنتى إنهم يربوا عيالهم ويفهموهم معنى الرجولة".
واستطردت نشوى مصطفى: "أقل عقوبة للمتحرش باللفظ أو الإشارات الخادشة للحياة هى 5 سنوات طبقاً لقانون التحرش اللى أمر بتعديله الرئيس حفاظاً على حق بناتنا.. حاجة تانية مهمة مكنتش اعرفها.. أنا بالمناسبة معملتش محضر.. أنا بس كتبت بوست هنا، واللى اتحرك بالنيابة عنى كمواطنة مصرية هى إدارة الرصد والبيان والتوجيه بمكتب النائب العام، ودى إدارة موجودة مخصوص لمتابعة السوشيال ميديا، وبيهتموا بأى مشكلة يكتبها أى مواطن وليهم ارقام تليفون نقدر نتواصل معاهم"
