كتبت - أماني موسى
أعلن محمود المهدي، انفصاله عن زوجته الفنانة منة عرفة، وذلك عبر خاصية الاستوري عبر حسابه الشخصى بموقع "إنستغرام" منذ قليل، وكتب: "تم الانفصال كل حاجة قسمة ونصيب، وربنا يوفقها في حياتها اللى اختارتها".
ربنا يوفق الجميع
وأعلنت منة انفصالهما حيث كتبت هي الأخرى عبر حسابها بأنستغرام: "كل شيء قسمة ونصيب.. تم الانفصال وربنا يوفق الجميع".
راجل صعيدي وفي حاجات مش هتنفع معايا
وكشف مهدي سبب الانفصال في تدوينة أخرى قائلاً: "الناس اللي بتتصل وتسأل خلاص كل حاجة قسمة ونصيب، وأنا كراجل شرقي صعيدي في حاجات مش هتنفع معايا، وهتوقفها عن شغلها وحلمها وأصدقائها في الوسط الفني فأكيد مش هقف في ده، وربنا يكرمها في المجال الفني وتوصل أعلى حاجة فيه.. بالتوفيق للجميع".
يأتي ذلك بعد أيام من ظهور الثنائي في فيديو عبر أنستغرام وهما يرقصان وكتب مهدي "أنا شوفتك قلبي دق دودودق دودودق عشانك قلبت التيك توك منة".
منة: أنت بالنسبة لي كل حاجة وروحي ووجداني
وكتبت عرفة مؤخرًا رسالة غزل في المهدي عبر حسابها قائلة: "إلى زوجي و رجل احلامي، في كل موقف صعب بيعدي علينا بتثبتلي فيه انك رجل مفيش منه كتير، و في كل لحظه حلوه بتعدي ما بينا بنبهر ب اد ايه انا انسانه محظوظة و ربنا بيحبني عشان رزقني براجل زيك، انت السعادة و الفرحة و الامان اللي كنت محرومة منهم عشان مكنتش في حياتي يا حياتي ، انت هديتي من ربنا الي كل يوم و كل لحظة بشكر ربنا عليها، انت العوض الي كنت مستنياه طول حياتي ، غيرتني وغيرت حياتي كلها للأحسن ، جيت بدلت كل الحزن و الوجع و الخوف ب حب و امان و استقرار و زكريات حلوه زيك، انت ارجل و اجدع و احن و احلي راجل انا شفته في حياتي ، ربنا يديمك احلي نعمه في حياتي و يخليك ليا و ميحرمنيش منك و يحميك من كل شر و يسعدك و يفرح قلبك زي ما دايماً بتفرحني ، كل الكلام دا ميوصفش 1% من حبي و احترامي ليك بجد، بحبك يا توأم الروح و الشكل يا من تنتمي له روحي و وجداني و هويتي".
وأعلنت منة عرفة، عقد قرانها على محمود المهدي، في حفل عائلي في يونيو الماضي، ومهدي قد سبق له الزواج 3 مرات ولديه 3 أطفال.
