محرر الأقباط متحدون
قالت الفنانة سميحة أيوب في حوارها لبرنامج "كلمة أخيرة " على فضائية "أون إي" أمس الثلاثاء: "أن زواجي من محمود مرسي جاء بعد قصة حب كبيرة جدًا جدًا، واطلقنا وأحنا بنحب بعض جدًا، وسبب الطلاق أني بشتغل كتير والحقيقة كنت ظالماه، وقالي البيت وكده لأني كنت بخرج الصبح أروح الإذاعة وبعدها بروفة وبعدها التليفزيون وبعدها أعمل السوارية وبعدها أروح، وقالي إنتي صعبانة عليا يا سميحة بتحاولي لما تيجي تعملي مجهود مضاعف عشان تحسي أنك مش مقصرة فانتي صعبانة عليا".
وتابعت: "قولتله أنا ببني نفسي وأحنا بلد ذاكرتها ضعيفة لما بتمشي من الصورة بتتنسي فأنا دلوقتي عايزة بس أبقى في الصورة أثبت وقالي تفتكري الحياة هتستقيم وهو بالفعل كان مظلوم وخلفت منه ولد على طول.
واردفت: "محمود مرسي كان انسان راقي ومثقف وطيب وفي حاجات كتير أوي جميلة، وسعيد الدين وهبة كان راجل عاقل أوي وحياتنا كانت مع بعض صداقة وأصدقاء ودي الحياة اللي تستمر وثورة الحب تهدأ بعد كده والحياة أنك راكبة مركب انتوا الاتنين ماسكين الدفة ومفيش واحد عايز يعمل على التاني المهيمن والأمر دايما شورة ونقول لبعض كل حاجة".
