ماجدة سيدهم
الشباب القبطي  اللي طلع  مقطع نفسه من كثرة الحب  وبيوزع مصاحف على المارة
.سؤال ..هو حضرتك بتوزعها على مين ..؟  
 على المسلمين .؟  كلهم عندهم ..

أما لو بتوزعه لمجرد الشو  ..تضامن  وطني يعني  .. فمبروك عليك  الكرتونة كلها بس بلاش الطلعة  المهينة دي ..لأنك بتقدم أسوأ وأرذل نموذج قبطي حتى لو كان الخوف هو الدافع ..وصورة ذليلة  يستاء منها الجميع بلا استثناء ..

وأما  أنت ياحضرة المؤمن المحموق  على نفسه .. فإنت إرهابي .. كونك تقدم كل العنف دا والتهديد  والضجة دي  فإنت  برضه  بتقدم أسوأ  نموذج  بشري  لما خليتهم يحولوك  من إنسان متعقل  إلى مجرد معتقد هجومي ..واعرف كويس أنك مجرد أداة حنجورية فقط ..ومفتاح التحكم  في درجة  الصوت هو في يد من يهمه الأمر ..

مشهد النفاق دا بيتكرر على فترات ..  بالظبط زي مشاهد الأحضان الباردة بين رجال دين وهم  بيتبادلوا  سوا كنس بيوت العبادة لبعض..  
ياربت كفاية نضافة  لوثتوا  سمعة بلادنا بالمطاطية والكراهية  والرياء ..