بقلم جورج حبيب
اهلا بيك يا اثنين وعشرين
مليانه ورد وفل وياسمين
وكل الشعب يا رب فرحانين
وكمان علي ابليس منتصرين
وباذنك يارب ننتصر علي الكورونا
وكمان اتباعها اللي شغلونا
وكل ولادك يا رب محروسين
وايدك في ايدهم يا معين
لا عايزين دمع ولا ناس تعبانين
يا اثنين وعشرين انتي ام الشاطرين
عايزينك تنسينا واحد وعشرين
وكفايه هم وتعب يكفي سنين
يا ريت تبشري الناس
واللي بيفكر ومحتاس
واللي فاكر انه منداس
دا كلهم امل فيكي
تفرحيهم والفرح معاكي يجي
والناس تهني بعضها
ويبان ودها وحبها
منتظرينك بشوق وحنين
تتغيري عن كل السنين
املينا فرح ونكون مبسوطين
اهلا بيكى يا اثنين وعشرين
بالورد والفل ليكي مستقبلين
ربنا يبارك ايامك وساعاتك امين
