ممدوح الديرى
كان حكم الموت يستناني احياني واداني حياة تانيه
بميلاده بفرح واترنم واحزاني انساها في ثانيه
والكل قد صار جديدا داه خلاص العالم والدنيا
حررني وفك قيودي ورفعت راسي من تاني
والموت اللي كان مستني جحودي مخلص يسوع جه وفداني
ولا ليك سلطان تاني عليا والسماء فرحت علشاني
مولود المزود حررني واداني خلاص كده مجاني
وانا بكتب في ميلاده اغنيه ورجاءه مالي وجداني
بايماني وبدم صليبه انا غالب غالب احزاني
وحبيب القلب اللي اتجسد علي عرسه وفرحه دعاني
