أكد الدكتور طارق شوقي وزير التعليم، أن امتحانات الصف الرابع الابتدائي تسير بشكل جيد، قائلا: «مفيش بعبع في امتحانات رابعة ابتدائي». وأضاف، خلال مداخلة هاتفية ببرنامج «آخر النهار» مع الدكتور محمد الباز، أنه يتمنى أن يصبح أولياء الأمور أهدأ في التيرم الثاني من الصف الرابع الابتدائي.
وعن حديث أولياء الأمور حول وجود أزمة في شبكات المدارس، وأن هذا السبب في تغيير قرار امتحان الصف الأول والثاني ثانوي من إلكتروني إلى ورقي، قال: «التشكيك أصبح أسلوب حياة في مصر، والشبكات زي الفل وهنعمل عليها الامتحانات لما نقرر ده». وواصل: «الامتحانات الإلكترونية مش دايما أحسن حاجة، والشبكات أفضل مما كانت عليها بمراحل ومفيش مشكلة فيها».
وأكد الدكتور طارق شوقي، وزير التعليم، أن تساؤلات أولياء الأمور في المواضيع التعليمية زادت عن حدها، مشيرا إلى أن الأهالي عليهم توفير بيئة جيدة للطلاب حتى يتم تجهيزهم على الامتحان بأي شكل. وقال: «الأولاد المفروض تفهم وتيجي تحل، وكلنا كنا في مدارس والامتحان اللي بيجيلنا بنحله، أما طريقة الامتحان وشكله فهو أمر يخص المؤسسات التعليمية مش هنعمل استفتاء عشان نمتحن الأولاد».
وتابع: «للأسف كلام الأهالي عن امتحان أولى وثانية ثانوي أمر غريب، لأن لما يبقى الامتحان 3 نقاط في التابلت و3 في الورق، ويتم في النهاية الاستقرار على إجابة الـ 6 أسئلة في الورق فقط إيه الفرق؟». وواصل: «المبالغة زيادة أوي ده امتحان ترم بيحصل طول عمره في ورق، والطالب يكون جاهز للحل سواء في ورقة أو في تابلت وإحنا نقول الامتحان يكون في ورق أو تابلت».
