رحلت عن عالمنا فى الساعات الأولى من صباح اليوم الثلاثاء، السيدة سوسن زكى، أرملة الشاعر صلاح جاهين.
وأقيمت صلاة الجنازة على جثمانها بعد صلاة ظهر اليوم من مسجد السيدة نفيسة، واقتصر العزاء على صلاة الجنازة.صلاح جاهين
ونعى الفنان أحمد حداد، على صفحته على موقع التواصل الاجتماعى "فيسبوك" الراحلة قائلا:
"سلملى ع الحكايات من الجدات وع البراويز
سلملى على ساعة العصارى وضحكة العواجيز
سلملى على مكنة خياطة قديمة فى لاظوغلى
سلملى على طبقين كريم كراميل طعمه لذيذ"
نانا سوسن.. أجمل وأطيب حد فى العالم.. صاحبتى من ساعة ما اتولدت.. كنت باروح معاها شغلها فى معهد الباليه "كانت مدرسة رسم".. وكان البيات عندها فى شقة منيل الروضة أحلى حاجة فى العالم.. تلاجتها اللى كانت ماليانة كاستر أو چيلى أو كريم كراميل.. الدولاب اللى ريحته خشب قديم وفيه شوكولاتة بالبندق مبعوتة من اخواتها ف كندا أو فستق وده لسة فاكر ريحته.. المسلسل العربى.. الدفاية.. البرتقان المقطع.. المجلات القديمة.. البيانو والسفرة الستيناتى.. البسكوت من عند مارى.. والمكوجى اسمه جابر.. وممكن ننزل ونروح جنينة الحيوانات ونأكل البط.. شنط الهدوم اللى من موضات فاتت والبواريك.. ريحة النفتلين وريحة الفراخ المرقدة والكنافة والعيش اللى أطرافه محروقة... كل دى تفاصيل عمرى ما ح انساها".
وتابع: "إبنى مسميها "سنسن" وكل الأطفال بيحبوها فى كل جيل، أنا عمرى ما عملت حساب اللحظة دى يا نانا.. إنا لله وإنا إليه راجعون.. توفيت إلى رحمة الله.. جدتى لأمى السيدة سوسن زكى أرملة الشاعر صلاح چاهين ووالدة الشاعر بهاء جاهين زوج السيدة مريم البنا والسيدة أمينة جاهين زوجة الشاعر أمين حداد.. وجدة أحمد حداد وعمر جاهين وسلمى حداد.
