محرر الأقباط متحدون
طالب الرئيس عبد الفتاح السيسي، البرلمان بمساعدة الدولة في وضع اشتراطات البناء، قائلًا: "البرلمان لازم يساعدنا في اللي إحنا بنعمله، لأن الهدف إننا مش نأذي المواطن لأنه بتاعنا".
وقال السيسي، خلال كلمته بافتتاح عدد من المشروعات القومية بقطاعي الإسكان والطرق، اليوم الأربعاء: "واحد يقولي لو مكانك أنا مش هخلي في حاجة تتبني تاني في القاهرة، إلا لو كان في أرض كبيرة فاضية ويتعمل لها مخطط".
كما طالب المواطنين بتوفير أموالهم التي يدفعونها في بناء المنازل العشوائية، مؤكدًا أن الدولة قادرة على تلبية مطالب المواطنين من الإسكان.
وتابع: "وانا جاي شايف واحد بنى سلم 12 دور والعمارة كلها 7 أدوار بس، بيحلم يكمل".
وأوضح إنه وجه بتلبية كل طلبات الإسكان الاجتماعي، مضيفًا: "لو أطلب مني أعمل مليون وحدة سكنية هعملها، موضوع الإسكان فكرة اترسخت في أذهاننا إنها ملهاش حل، لا خلاص دي اتحلت وإحنا مش هنخلي طلب على شقق في أي محافظة إلا لما نلبيها".
ويفتتح الرئيس عبد الفتاح السيسي، بعد قليل، عددًا من المشروعات من بينها مشروعا سكن مصر للإسكان الاجتماعي وجنة للإسكان المتوسط، ومركز شباب بمناطق الشيخ زايد وأكتوبر.
