محرر الأقباط متحدون
أصدر الأنبا مارتيروس أسقف عام كنائس شرق السكة الحديد، وآباء كنيسة القديسة بربارة بالشرابية، بيان ردا علي ما تداوله رواد مواقع التواصل الاجتماعي بشأن انتحار الشاب اندرو ميشيل واتهام خدام الكنيسة بالتقصير معه.
وجاء بيان كنيسة القديسة بربارة بالشربية علي النحو التالي:
اثار رحيل أبننا الغالي اندرو ميشيل، مشاعر كثيرين علي صفحات التواصل الاجتماعي فكتب كل واحد حسب رؤيته الخاصة.
لكن خدمة الحالات الخاصة لا تحتاج بوق وإعلانات ورافة بالأبناء نوضح أن:
الكنيسة والخدام لم يقصروا أبدا في محبة أولادهم وخصوصا ذوي الاحتياجات الخاصة ومنهم أبننا الغالي اندرو، لكنه كان يعاني من أمراض جسدية ونفسية وعصبية كثيرة، وكان يؤذي نفسه كثيرا ولم تقصر معه أسرته الصغيرة أو الكبيرة متمثلة في الكنيسة وخدامها. الكل يحبه وكطفل يتعلق بالجميع ويغضب لأقل سبب.
وأختتم البيان بتعزية أسرة اندرو وكل محبيه.
يذكر أن الشاعر والكاتب مينا مجدي قال عبر حسابه علي فيسبوك:"في شاب من ذوي الاحتياجات الخاصة اسمه "اندرو" نزل فيديو لايف من كام يوم علي صفحته .. الفيديو موجود للي حابب يشوفه .. منتشر في صفحات كتير .. من اصعب الفيديوهات اللي شوفتها في حياتي .. اندرو بيتكلم فيه وهو موجوع .. بيشتكي ان محدش بيسأل عليه من صحابه و خدام كنيسته .. زعلان ان محدش بيكلف خاطره ويطمن علي اخباره .. صعبان عليه انه بيتم التعامل معاه بتجاهل وقسوه .. وزي ما قال بالحرف "محدش بيحبني " .. مكنش عايز فلوس.. مكنش عايز مساعده .. كان عايز يحس انه محبوب ويلاقي في عيون اللي حواليه اهتمام ومعونه.
وأضاف:"اندرو كان عايز حد يفتقده ويطبطب عليه مش أكتر .. المأساة ان اندرو مات بعد الفيديو اللي عمله .. ناس بيقولوا انتحر وناس بيقولوا لأ .. بس النتيجة انه مات .. وقبل ما يموت بالجسد مات نفسيآ مليون مره .. مات في كل مره كان بيحس فيها انه منبوذ .. مات في كل مره كان بيحس بالوحدة .. ومات لما حس ان محدش بيحبه.
لافتا :" اندرو دلوقتي بين ايدين ربنا .. هو الأحن عليه من كل البشر .. وهو الرحوم الطيب جابر الخواطر .. بس لسه في بيننا زي اندرو كتير .. في كل بيت وكل كنيسه وكل شارع .. ياما في ناس متسابه .. في ناس عايشه لوحدها ومستنيه اللي يرفع سماعة التليفون يسأل عنهم .. في ناس مستنيه اللي يفتقدهم و يزورهم واللي يقدملهم مشاعر حب وقبول .. وفي ناس محتاجه بس تحس اللي يطمن عليهم ويقرب منهم .. يا كل الرعاه .. يا كل خدام الكنايس .. دوروا علي الناس المنسيه قبل ما يفوت الأوان.
