محرر الأقباط متحدون
علق الإعلامي عمرو أديب، على حملة الانتقادات الموجهة له بسبب تصريحاته عن غلاء الأسعار والاستغناء عن السلع الاستفزازية مثل البيض الأورجانيك واستبداله بالبيض العادي مع إضافة البسطرمة.
وقال أديب عبر حسابه بموقع تويتر: "فى نفس الحلقه ونفس الموضوع اتكلمت عن ازاي الناس تشتري الارخص وتختار المحلات اللي بتبيع الاساسيات الثابته من غير زياده واتكلمت عن دور الدوله فى ضرب الاحتكارات وما كان موضوع البيض الاورجانيك الا انتقاد للناس اللي محبكاها قوي وتشتكى من اشياء تافهه. ثوانى والجزيره مصر سابت ساعه كلام واشتغلت عالبيض والبسطرمه اجتزاء وترصد كالعاده اتعودت عليه . المهم الفيديوهات موجوده وياريت الناس تبطل ثقافه الهاشتاج وفى النهايه الرساله واحده الايام اللى جايه صعبه".
وأضاف: "واتكلمت عن قزازه الزيت بكام وعلبه اللبن حالها ايه والجبنه المثلثات نعمل معاها ايه والسمنه نتصرف معاها ازاي انما ثقافه التفاهه والترصد المستمر وطبعا انا خبير وقديم ومش مصدق انى بكتب بحكى والفيديوهات موجوده ولكن هذا عملى وهذا وطنى وهذا قدري".
