تحدثت الممثلة نيفين مندور عن كواليس تعاطيها للمخدرات، والقبض عليها مرتين كان آخرهما في 2016.
قالت نيفين مندور: "باختصار شديد الموضوع ده بالنسبة لي بيضايقني، هو الموضوع كان خاص بوالدي مش بيا خالص، بس هما حبوا يكسروه بيا، ورحت في الرجلين، وهو بقى بين نارين بين بنته وسمعته، لأن الموضوع مبقاش سمعته بس، لا بقيت سمعة بنته كمان"، وذلك حسب تصريحاتها في برنامج "كلام الناس" الذي تقدمه ياسمين عز عبر قناة "MBC مصر".
وأضافت نيفين: بس ربنا كبير والحمد لله براءة من أول دقيقة، مفيش حد قدر يشكك فيها يعني، وفكرت كتير إني أرد ولكن ردود فعل الناس الإيجابية، وإن الناس مش مصدقة خليتني مردش وإنهم مصدقني، فأصلح لمين؟ للناس المريضة؟ دول مش فارقين معايا، غير إن نفسيًا الموضوع كان مخليني مش قادرة أعمل حاجة، ده غير إن الموضوع جه في وقت وفاة والدتي، فكانت الظروف صعبة.
وألقت أجهزة الأمن في 2013 القبض على 3 أشخاص، من بينهم الممثلة نيفين محمد مندور، أثناء استقلالهم سيارة وبحيازتهم سجائر "حشيش" بمحافظة الإسكندرية، وتمّت إحالتهم جميعا للنيابة العامة.
وكانت نيفين مندور لاقت نجاحا كبيرا خلال مشاركتها في فيلم "اللي بالي بالك" من تأليف نادر صلاح الدين وإخراج وائل إحسان وبطولة محمد سعد وحسن حسني وعبلة كامل ونيفين مندور وحسن عبد الفتاح.
