كشفت الفنانة نيفين مندور عن سبب غيابها عن الشاشة بعد النجاح الذي حققه فيلم "اللي بالي بالك" وإشادة الجمهور بها
قالت نيفين مندور خلال حوارها مع الإعلامية ياسمين عز في برنامج "كلام الناس" أن السبب وراء اعتزالها هو مرض والدتها
تابعت نيفين موضحة تفاصيل ابتعادها عن التمثيل وقالت "كانت مامي بدأت تتعب وقعدنا 8 سنين داخلين خارجين من المستشفى أقل مدة كانت 9 شهور فهي كانت اولى بأي دقيقة"
وأضافت "أنا برده كسلت أو خوفت شوية في الأول وبعدين ملحقتش بين خايفة ومبسوطة بالنجاح ومش عارفة ارجع ولما حبيت ارجع ببايا قالي لا"
وعن علاقتها بوالدها قالت "كان شديد مع الكل إلا أنا وكان مدلعني ولما رفض ناقشته وقالي أنا قلتلك رأي فمحبتش ازعله بس قلت لو جاتلي حاجة كويسة هرجع بس مفيش حاجة قوية اتعرضت"
وعن بداية دخولها للوسط الفني قالت "هي كانت صدفة بحته، كان بسبب ابن اخت محمد سعد وهو اللي قالي تحبي تمثلي وقلتله أنا مش بتاعة الكلام دة وقالي هتبقي بطلة قدام محمد سعد قلتله مين محمد سعد اصلا"
وتابعت "قالي اللمبي وهو كان عامل ضجة بس على قد ما كانت مسمعة على قد ما كان واحد طالع بيهرج وخلاص مفيش حاجة هستفيدها من الفيلم وانا لغاية انهاردة مشفتش فيلم اللمبي"
تحدثت نيفين مندور خلال الحلقة عن العديد من الموضوعات وكشفت عن قصة حبها وزواجها والتي استمرت لمدة 23 عاما قبل الزواج وأنها كانت زوجة ثانية لمدة شهرين
كما تحدثت عن حبها الشديد للأطفال ورغبتها في الإنجاب وقالت "تمنيت أن أبني ملجأ للأطفال بالمزرعة، ولكن كنت أريده بأموالي أنا وبعيدا عن ورث، بأموال من تعبي أنا، كما فكرت في التبني لأني كنت رافضة للزواج وكنت أفضل العيش مع والدي بعد وفاة والدتي"
