شهدت أحداث الحلقة الأولى من مسلسل "بيت الشدة"، حوار ثلاثي جمع بين النجوم أحمد وفيق ومحسن منصور ومدحت تيخا، داخل أحد الكافيهات، حيث تناولوا قصة "الشدة المستنصرية" والتي وقعت في عهد الحاكم المستنصر بالله في العصر الفاطمي.
وبدأ محسن (الشيخ عبدالقادر) الحديث، حيث وجه كلامه إلى (روماني) مدحت تيخا، حيث قال: "البلد دي ياما مر عليها سنين عجاف وكوليرا وحروب وغزوات، ولكن محدش قدر عليها".
ورد أحمد وفيق (معلم مختار)، قائلاً: "من ألف سنة وأكتر عدى على ناس المحروسة دي أصعب 7 سنين، وتحديدا عام 1065 ميلادي.. النيل مايته جفت، وده كان أيام الحاكم المستنصر بالله.. الزرع دبل، كيلة الدقيق كانت بتتباع بـ 10 جنيه.. الناس عاشت في كرب 7 سنين وفي عز الشدة، الناس أكلت كل حاجة (البهايم والمواشي حتى الكلاب والقطط، ونبشوا القبور).. مفيش حاجة كان دابب فيها الروح إلا وكلوها، ووصلت أنهم يرموا الخطاف من أعالي البيوت ويصطادوا بيه الناس اللي ماشية .. البيت ده كان معروف ببيت الشدة، وكل الناس كانت بتتخطف من قدامه".
وأضاف (معلم مختار) أن (فلك) وفاء عامر وأسرتها بالأحداث من أحفاد ونسل الناس دي، ودول ناس سواد وخراب على الدرب كله.
وتابع: "بيت الشدة ده أيام الشدة المستنصرية كان أشهر بيت، وكان بيلقط أي حد يعدي من تحته بخطاف او هلب مفيش حد دخله الا وخرج عضم في شوال".
ويضيف (الشيخ عبدالقادر): "مكنش حد يقدر يسكن في البيت ده غير نسل أهله الأصليين، ومكنش حد يجرؤ إنه يقرب ناحية البيت ده أو يدخله".
مسلسل "بيت الشدة" يعرض يوميا طوال شهر رمضان 2022 على قنوات "القاهرة والناس" و"صدى البلد" و"تن".
والمسلسل من بطولة النجوم: وفاء عامر وأحمد وفيق، إيهاب فهمي، مها أحمد، محسن منصور، أحمد التهامي، مدحت تيخا، محمد مهران، عبير منير، صبري عبدالمنعم، لبنى ونس، منى العمدة، وعمر محمد فوزي، وعدد من الفنانين، منتج فني عوض ماهر، ومدير تصوير عزمي الرحماني، ومن تأليف ناجي عبدالله، ومن إخراج وسام المدني، وإنتاج شركة اكسيليفون للإنتاج الفني.
