قامت الفنانة ميار الببلاوى بالهجوم على الفنانة إلهام شاهين، وذلك بعد تصريحاتها المثيرة للجدل عن الدين، حيث قامت ميار من خلال اللقاء الذى جمعها بالإعلامية رغدة شلهوب، والتى تقوم بتقديم برنامج “سابع سما”، والذى يذاع عبر فضائية “النهار” أمس الإثنين بالرد على الفنانة إلهام شاهين.
كما قامت الفنانة “ميار”، بتوجيه رسالة إلى الفنانين والأشخاص الذين يتكلمون فى الدين قائلة:ـ “ياريت الكل يتكلم زى ما هو عاوز يتكلم فى الكرة والسياسة والفن والرياضة.. بس ياريت الدين لا.. الدين خط أحمر، وكمان الدين غير قابل للآراء ووجهات النظر، هو نزل من عند الله سبحانه وتعالى على سيدنا محمد عليه الصلاة والسلام، وإنتقل إلينا عن طريق رجال العلم والدين، والفنانة إلهام أُستاذه فى مجالها.. أنا كُنت بتمنى إنى أشتغل معها”
وتابعت "في مواضيع كتيرة ممكن تتكلم فيها عندكم السياسة، الفن، الأدب، الموضة أي حاجة بس الدين خط احمرلأنه مش قابل لوجهات النظر هو نزل من ربنا واتنقل عن طريق النبي وفي شيوخ اجلاء وهي استاذة في مجالها وكنت بحلم اشتغل معاها"
كما تحدثت عن المخرجة إيناس الدغيدي وقالت "كفاية اللي بيحصلي لحد دلوقتي وهي مضربتنيش على ايدي علشان امثل لكن لو مكنتش اتحطت في طريقي مكنتش عملت المشهد، والمشهد كنت موافقة عليه لكن أنا مرتحتش وكانت عنيفة جدا في اللوكيشن وبهدلتني علشان اعترضت على مشاهد"
وتابعت "كنا مرة بنصور على كورنيش المعادي وانا كنت بصور عمل تاني واتاخرت وبهدلتني وقالتلي انتي مين علشان استناكي وهشيلك اليوم وفي كواليس هحكيها برة الهواء"
طالع ايضًا: يتقن كل شيء ولا يخجل من إظهار حبه لزوجته .. هل عمرو سعد في "توبة" زوج تتمناه النساء؟
وعن منى زكي قالت "أنا بموت فيها وكنا أصحاب من قبل ما تمثل واشتغلت معاها حاجات حلوة وهي فنانة كبيرة ومشهدها في أصحاب ولا اعز أنا مأخدتش بالي منه ولكل جواد كبوة ومينفعش نغفل تاريخها"
تحدثت ايضًا ميار الببلاوي عن علاقتها بليلى علوي وقالت أنها تحترمها كفنانة وتابعت "أنا اشتغلت معاها فيلم واحد وهي مكنتش حباني ومعرفش ليه وكانو مسميني شبيهه ليلى علوي وهي قالت لصحفي مين دي اللي تبقى شبهي فانا اضايقت بس بحبها كفنانة"
وعن محمود حميدة قالت "جميل وعبقري اشتغلت معاه ديسكو ديسكو وهو فنان مش واخد حقه في مصر"
